هــــه‌واڵ عــیراق
هاوپه‌يمان ناوده‌وڵه‌تى: داعش تواناى هاتنه‌وه‌ ئه‌را عراق ديرێد

هاوپه‌يمان ناوده‌وڵه‌تى: داعش تواناى هاتنه‌وه‌ ئه‌را عراق ديرێد


شه‌فه‌ق نيوز/ ليوا جيمس جارارد سه‌ركرده‌ى هيزه‌يل تايبه‌ت له‌ هاوپه‌يمان نيشتمانى وت: هه‌رچه‌نى هيزه‌يل سورياى ديموكراسى پيشڕه‌وى فريه‌يگ كردنه‌ وه‌ پشتگيرى هيزه‌يل ئاسمانى له‌ هاوپه‌يمان باكوور خوه‌رهه‌ڵات سوريا، وه‌لێ ئه‌وه‌ به‌س نيه‌ ئه‌را نواگيرى له‌ هاتنه‌وه‌ى چالاكى ريكخرياگ تيرۆريستى له‌ رۆژهه‌ڵات سوريا.

 

جارارد له‌ ديمانه‌يگ وه‌ل رووژنامه‌ى شه‌رقولئه‌وسه‌ت ك شه‌فه‌ق نيوز ئاگادارێ بوى، وت: هيزه‌يل سورياى ديموكراسى زياتر له‌ 97% له‌و خاكه‌يله‌ ئازاد كردنه‌ ك له‌ژير ده‌سڵات ريكخرياگ داعش بويه‌ له‌ سورياو ئى ده‌سكه‌فت گه‌ورايشه‌ له‌ساى ئازايه‌تى هيزه‌يل هاوپه‌يمان واشنتۆن وه‌ده‌س هات، وه‌لێ هيمان داعش ئه‌و توانا ديرێد وه‌ هيزيگ جه‌نگييه‌و جاريگتر باێده‌و ئه‌را سوريا و عراق.

 

جى باسه‌، هه‌ميش وت: داعش مقه‌يه‌تى له‌ سه‌ركرده‌يل و كادره‌يل باڵاى كردگه‌و پويل فريه‌يگيش ها ژير ده‌سى وه‌ل ميكانيزميگ پڕوپاگه‌نده‌ى چالاك ك ئه‌يانه‌ گشتى پيكهاته‌يل سه‌ره‌كيين ئه‌را هاتنه‌وه‌ى ئه‌و ريكخرياگه‌.