هــــه‌واڵ عــیراق
بوردمانيگ ئاسمانى له‌ ده‌ورگرد ته‌لعه‌فه‌ر 16 ترۆريست كوشت

بوردمانيگ ئاسمانى له‌ ده‌ورگرد ته‌لعه‌فه‌ر 16 ترۆريست كوشت


شه‌فه‌ق نيوز/ شانه‌ێ ره‌سانن جه‌نگێ ئاشكراێ كوشيان 16 له‌ چه‌كداره‌يل ريكخرياگ ترۆريستى داعش كرد له‌ بوردمانيگ ئاسمانى ئه‌را بان بنگه‌ێ ئه‌و ريكخرياگه‌ له‌ ده‌ورگرد ته‌لعه‌فه‌ر له‌ خورئاواێ موسڵ.

 

شانه‌ێ ره‌سانن له‌ به‌ياننانه‌يگ ئه‌را(شه‌فه‌ق نيوز)وت: ته‌ياره‌يل سوپا 14 گه‌ردين ئاسمانى له‌ چوارچيوه‌ێ كرده‌وه‌يل سه‌ربازێ قادمون يا نه‌ينه‌وا ئه‌نجام دانه‌و 16 چه‌كدار داعش كوشتنه‌و وه‌ل يرانكردن دو ماتۆڕسكڵ و ته‌قاننه‌وه‌ێ بڕيگ ته‌قه‌مه‌نێ له‌ ناو يه‌كيگ له‌ بنگه‌يل ئه‌و ريكخرياگه‌ له‌ ده‌ورگرد قه‌زاێ ته‌لعه‌فه‌ر.

 

جى باسه‌، ته‌لعه‌فه‌ر بنگه‌يگ تونڕه‌وه‌يله‌ ئه‌را ماوه‌يگ و ئه‌كه‌فێده‌ دويرێ 80كم خوه‌رئاواێ موسڵ و جياوه‌ كرياگه‌ له‌ باقى خاكه‌يل تر ژير ده‌سڵات داعش له‌ ماناگ حزه‌يران گوزه‌يشت.