هــــه‌واڵ عــیراق
ته‌ياره‌يل كوه‌يتى له‌نوو له‌ناو ته‌ياره‌خانه‌يل عراقى نيشنه‌و

ته‌ياره‌يل كوه‌يتى له‌نوو له‌ناو ته‌ياره‌خانه‌يل عراقى نيشنه‌و


شه‌فه‌ق نيوز/ وزاره‌ت جيوازكردن عراقى، ئاشكراى هاتنه‌وه‌ى گه‌شته‌يل ئاسمانى ناونى كوه‌يت و عراق كرد ك وه‌ى نزيكه‌يله‌ ده‌س وه‌پى ئه‌كا.

 

وزارته‌گه‌ له‌ به‌ياننامه‌يگ ئه‌را(شه‌فه‌ق نيوز)وت: كازم فنجان ئه‌لحه‌مامى له‌ چوارچيوه‌ى ديداره‌يل شاند عراقى ك وه‌ سه‌رۆكايه‌تى فوئاد مه‌عسوم سه‌رۆك كۆمار سه‌ردان كوه‌يت كرد چه‌وى كه‌فته‌سه‌ ياسر حه‌سه‌ن ئبڵ وه‌زير ده‌وڵه‌ت ئه‌را كاروبار نيشته‌جيكردن و چه‌ن مه‌سه‌له‌يگ گرينگ هاوبه‌ش وه‌ليا باس كردگه‌ وه‌ل پرووژه‌يل ئاينده‌يى ناونى هه‌ردوگ وڵات و له‌وانه‌يش كه‌رت جيوازكردن.

 

جى باسه‌، به‌ياننامه‌گه‌ يه‌يش ده‌رخست ك لايه‌ن كوه‌يتى له‌و قوناغه‌ ره‌سينه‌سه‌و ك هاته‌سه‌ تويش عراق و ئاشكراى هاتنه‌وه‌ى ته‌ياره‌يل كوه‌يتييش كرد ئه‌را نيشتنه‌وه‌ له‌ناو ته‌ياره‌خانه‌يل عراقيه‌و له‌ ناوڕاس مانگ ئاينده‌.