هــــه‌واڵ كــوردى
هاتوچوو سلێمانى له‌باره‌ى ڕيه‌يل جه‌وه‌ڵى وشدارى دا

هاتوچوو سلێمانى له‌باره‌ى ڕيه‌يل جه‌وه‌ڵى وشدارى دا


شه‌فه‌ق نيوز/ وه‌ڕيه‌وبه‌رايه‌تى هاتوچوو پاريزگاى سلێمانى، وشدارى دا شوفێره‌يل سه‌ياره‌يل له‌ مه‌سه‌له‌ى هاتوچووكردن وه‌ ڕيه‌يل جه‌وه‌ڵى له‌ى وه‌خته‌يله‌.

 

وه‌ريه‌وبه‌رايه‌تيه‌گه‌ له‌ به‌ياننامه‌يگ ئه‌را(شه‌فه‌ق نيوز)وت: له‌ ئاكام ئه‌و زه‌ويه‌له‌رزه‌يله‌ ك له‌ى دوياخره‌ روێدانه‌ له‌ كوردستان و ناوچه‌يل مه‌رزى وه‌ل ئيران ڕيه‌يل فريه‌يگ زه‌ره‌د وه‌پيان ره‌سيه‌و بويه‌سه‌ هووكار كه‌فتن كوچگه‌يل گه‌ورايگ و وارانيش ئه‌را ماوه‌ى دو رووژ زه‌ره‌د فيشتر وه‌و ريه‌يله‌ ره‌سانگه‌.

 

جى باسه‌، وه‌ڕيه‌وبه‌رايه‌تيه‌گه‌ هه‌ميش وت: تيمه‌يل خاسسازى ده‌سكردنه‌سه‌ كاره‌يليان ئه‌را خاسه‌وكردن ئه‌و شه‌ق و درزه‌يله‌ ك له‌ڕيه‌يل روێدانه‌ و داوايش له‌ خاوه‌ن سه‌ياره‌يل كرد ڕيه‌يل جه‌وه‌ڵى وه‌كار نارن ته‌نيا ئه‌را كاره‌يل خواست.