هــــه‌واڵ كــوردى
روسيا چالاكيه‌يل وزه‌ له‌ هه‌رێم كوردستان فراوانه‌و ئه‌كا

روسيا چالاكيه‌يل وزه‌ له‌ هه‌رێم كوردستان فراوانه‌و ئه‌كا


شه‌فه‌ق نيوز/ بافيل سوروكين جيگر وه‌زير وزه‌ى رووسى، ئاشكراى ئه‌وه‌ كرد وڵاته‌گه‌ى هه‌وڵ فراوانكردن چالاكيه‌يلێ ئه‌ياد له‌ بوار وزه‌ له‌ هه‌رێم كوردستان عراق.

 

له‌ى باوه‌ته‌و، حكومه‌ت هه‌رێم كوردستان له‌ به‌ياننامه‌يگ دوياى ديدار سوروكين و شانده‌ ياوه‌ره‌گه‌ى وه‌ل نێچيروان بارزانى سه‌رۆك حكومه‌ت هه‌رێم وت: لايه‌ن رووسى داواى كارئاسانى ئه‌را كومپانيايه‌يل رووسى كردگه‌ له‌وانه‌گ له‌ بوار وزه‌ له‌ هه‌رێم كار ئه‌كه‌ن.

 

به‌ياننامه‌گه‌ وت: لاى خوه‌ييشه‌و بارزانى ئاماده‌گى حكومه‌ته‌گه‌ى ده‌رخستگه‌ ئه‌را ئاسانكردن كار و چالاكيه‌يل ئه‌و كۆمپانيايه‌يل رووسيه‌ له‌ كوردستان وه‌تايبه‌ت له‌ بوار وزه‌و په‌ره‌داين وه‌ ريككه‌فتنه‌يل ئمزاكرياێ له‌ناونى هه‌ردوگلا.