هــــه‌واڵ عــیراق
فراكسيۆن عه‌سايب سه‌ردان وه‌ليعه‌هد سعودى ئه‌را عراق ره‌ته‌و ئه‌كا

فراكسيۆن عه‌سايب سه‌ردان وه‌ليعه‌هد سعودى ئه‌را عراق ره‌ته‌و ئه‌كا


شه‌فه‌ق نيوز/ فراكسيۆن "صادقون" له‌ ئه‌نجومه‌ن نوێنه‌ره‌يل ك نوێنه‌رايه‌تى جه‌ماعه‌ت عه‌سايب ئه‌هل هه‌ق ئه‌كا له‌ په‌رله‌مان عراقى، ئاشكراى ره‌ته‌وكردن سه‌ردانه‌ چه‌وه‌ڕيكريايه‌گه‌ێ محه‌مه‌د بن سه‌لمان وه‌ليعه‌هد سعودى ئه‌كا ئه‌را عراق.

 

له‌ى باوه‌ته‌و، حه‌سه‌ن سالم سه‌رۆك فراكسيۆنه‌گه‌ له‌ كۆنگره‌يگ رووژنامه‌گه‌رى وت: نا خوه‌شهاتن و نا مه‌رحه‌با وه‌ وه‌ليعه‌هد ده‌وڵه‌ته‌يل تاوان و ئاماژه‌ وه‌يه‌يش كرد ك ئى سه‌ردانه‌ جى خوه‌شاڵى نيه‌ وه‌ بوونه‌ى هه‌ڵويسته‌يل سعودى دژ عراق.

 

جى باسه‌، له‌ هه‌مان وه‌خت سالم ره‌خنه‌يش له‌و سه‌ردانه‌يله‌ گرت ك شماره‌يگ له‌ كه‌سايه‌تيه‌يل سياسى ئه‌نجامى ئه‌يه‌ن و له‌تى بڕه‌ پويليگ و دياريه‌يل تر وه‌رئه‌گرن له‌ سعوديه‌.