هــــه‌واڵ عــیراق
توركمان پيشنيار ئه‌را هه‌ڵوژاردنه‌يل كه‌ركوك پيشكه‌ش كرد

توركمان پيشنيار ئه‌را هه‌ڵوژاردنه‌يل كه‌ركوك پيشكه‌ش كرد


شه‌فه‌ق نيوز/ حه‌سه‌ن توران ئه‌ندام ليژنه‌ى ياسايى له‌ په‌رله‌مان عراقى له‌بان به‌ره‌ى توركمانى، داواى داناين ياساێ هه‌ڵوژاردنه‌يل ئه‌نجومه‌ن پاريزگايه‌يل شماره‌ 36 ساڵ 2008 كرد ئه‌را ده‌نگداين له‌بانى و په‌ڕينه‌وه‌ له‌ ناكووكيه‌يليگ ك په‌يوه‌سه‌ وه‌ كه‌ركوك.

 

توران ئه‌را شه‌فه‌ق نيوز وت: ياسا گشت مادده‌يلێ يه‌كلاوه‌ كردگه‌ بيجگه‌ ته‌نيا خاڵيگ ناكووكى ك په‌يوه‌سه‌ وه‌ كه‌ركوك و پيكهاتگه‌ له‌ دو بڕگه‌ى 37 و 52 ك په‌يوه‌سه‌ وه‌ تۆمار ده‌نگده‌ره‌يل و ئاينده‌ى پاريزگاى كه‌ركوك و داواى ئه‌وه‌ كرد مه‌سه‌له‌گه‌ جوور خوه‌ى بخريه‌ێده‌ روێ له‌ ئه‌نجومه‌ن نوێنه‌ره‌يل ئه‌را ئه‌وه‌گ له‌ دانيشتنى يه‌كلايه‌و بكا.

 

جى باسه‌، توران هه‌ميش وت: گفتگوويگ راسكانى له‌ناونى فراكسيۆنه‌يل نيه‌و ئيمه‌يش بڕيگ فكره‌ ئه‌را برايه‌يل كورد خستيمنه‌سه‌ روێ و باوه‌ڕ وه‌ هويچ بژارده‌يگ ناوردنه‌.