هــــه‌واڵ كــوردى
حكومه‌ت عراقى دژايه‌تى ده‌زگايه‌يلى ئه‌كا له‌ كوردستان و مووچه‌ له‌لێان برێد

حكومه‌ت عراقى دژايه‌تى ده‌زگايه‌يلى ئه‌كا له‌ كوردستان و مووچه‌ له‌لێان برێد


شه‌فه‌ق نيوز/ هۆشيار عه‌بدوڵڵا ئه‌ندام ليژنه‌ى ئاسايش و وه‌رگرى نوێنه‌رايه‌تى، داوا له‌ سه‌رۆك وه‌زيره‌يل و وه‌زير ناخوه‌يى كرد مووچه‌ى كارمه‌نده‌يل ده‌زگايه‌يل ناوه‌ندى له‌ هه‌رێم كوردستان بيه‌ن ك ئه‌را ماوه‌ى په‌نج مانگه‌ وسياگه‌ و له‌ هه‌مان وه‌خت ره‌خنه‌يش له‌ وه‌زير ناوخوه‌يى گرت ك بيده‌نگه‌ له‌ وه‌رانوه‌ر نه‌داين ئه‌و مووچه‌يله‌ ك هه‌رچه‌نى سه‌ر وه‌ وزاره‌ته‌گه‌ين.

 

عه‌بدوڵڵا لى به‌ياننامه‌يگ ئه‌را(شه‌فه‌ق نيوز)وت: ئه‌را ماوه‌ى په‌نج مانگه‌ كارمه‌نده‌يل له‌ ده‌زگايه‌يل ناوه‌ندى له‌ هه‌رێم كوردستان جوور ده‌زگاى (ره‌گه‌زنامه‌و ئيقامه‌و پاسه‌پۆرت و كارت نيشته‌جى)مووچه‌يليان وه‌رنه‌گرتنه‌ وه‌ مه‌هانه‌ى ده‌خاڵه‌ت حكومه‌ت هه‌رێم له‌ كاروبار ئه‌و ده‌زگايه‌يله‌ و هه‌وڵ زاڵبوين له‌بانيان.

 

جى باسه‌، عه‌بدوڵڵا هه‌ميش وت: ئى ده‌زگايه‌يله‌ وه‌ گووره‌ى ده‌ستوور سه‌ر وه‌ ده‌زگايه‌يل ناوه‌ندى و وزاره‌ت ناوخوه‌يى عراقيين و ئاماژه‌ وه‌يه‌يش كرد و وت: ئه‌و كارمه‌نده‌يله‌ تاوانيان چه‌س ئه‌را ماوه‌ى په‌نج مانگ مووچه‌ وه‌رنه‌گرن.