هــــه‌واڵ عــیراق
فه‌قيرترين پارێزگا داواى دانيشتن ئه‌نجومه‌ن وه‌زيره‌يل ئه‌كا

فه‌قيرترين پارێزگا داواى دانيشتن ئه‌نجومه‌ن وه‌زيره‌يل ئه‌كا


شه‌فه‌ق نيوز/ سعه‌د شاكر خه‌زعه‌لى ئه‌ندام له‌بان پاريزگاى ديوانيه‌، داوا له‌ عادل عه‌بدولمهدى سه‌رۆك وه‌زيره‌يل كرد دانيشتنيگ ئه‌را ئه‌نجومه‌ن وه‌زيره‌يل له‌ پاريزگاگه‌ ساز بكا.

 

خه‌زعه‌لى له‌ به‌ياننامه‌يگ ئه‌را شه‌فه‌ق نيوز وت: داوا له‌ عادل عه‌بولمهدى سه‌رۆك ئيسه‌ى وه‌زيره‌يل ئه‌كه‌يم دانيشتنيگ ئه‌را ئه‌نجومه‌ن وه‌زيره‌يل له‌ پاريزگاى ديوانيه‌ ساز بكا وه‌ ئه‌وه‌گ فه‌قيرترين پاريزگايگه‌ و هويچ سه‌رچه‌وه‌يليگ ئه‌را په‌ره‌وه‌پيداين له‌تى نيه‌.

 

جى باسه‌، خه‌زعه‌لى هه‌ميش وت: ئى پاريزگا به‌تاڵه‌ له‌ واران و به‌نده‌ر و مه‌زاره‌گه‌ێ ئايينى، ك سازكردن دانيشتن ئه‌را ئه‌نجومه‌ن وه‌زيره‌يل له‌ ديوانيه‌ ئه‌دێده‌ هووكار زيايكردن ده‌رماڵه‌ى دارايى ئه‌راى و له‌ هه‌مان وه‌خت داوايش كرد به‌شه‌ ئاو پاريزگاگه‌يش زياێ بكريه‌ێد له‌وه‌ر ئه‌وه‌گ يه‌كه‌مين پاريزگايگ بويه‌ له‌ڕوێ به‌رهه‌م گه‌نم و جويه‌.