هــــه‌واڵ عــیراق
ئيران به‌شداريكردنى له‌ ئۆپراسيۆن وه‌ل توركيا له‌باره‌ى په‌كه‌كه‌ خسته‌ دروو

ئيران به‌شداريكردنى له‌ ئۆپراسيۆن وه‌ل توركيا له‌باره‌ى په‌كه‌كه‌ خسته‌ دروو


شه‌فه‌ق نيوز/ ئيران به‌شداريكردن هيزه‌يلێ له‌ ئۆپراسيۆنيگ هاوبه‌ش سه‌ربازێ وه‌ل توركيا دژ پارت كارگه‌ره‌يل كوردستان خسته‌ دروو.

 

ئاژانس هه‌واڵه‌يل فارس له‌ زووان سه‌رچه‌وه‌يگ ئاگادار له‌ ئه‌ركان ئيرانى ئه‌وه‌ دره‌خست ك ئيران به‌شداريكردنى له‌ هه‌ر ئۆپراسيۆنيگ وه‌ل سوپاى توركى دژ په‌كه‌كه‌ له‌ ناوچه‌يل مه‌رزێ خوه‌رهه‌ڵات توركيا خسته‌سه‌ دروو.

 

سه‌رچه‌وه‌گه‌ زياتر وت: كرده‌وه‌يل سه‌ربازێ سوپاى توركى دژ په‌كه‌كه‌ له‌ ده‌مه‌و شه‌وه‌كى ئمڕوو دوشه‌ممه‌وه‌ ده‌س وه‌پيكردگه‌، وه‌لێ هيزه‌يل چه‌كدار ئيرانى به‌شدارى له‌تى نه‌كردنه‌.