هــــه‌واڵ كــوردى
‌ڕايگ رووسى: خوه‌رهه‌ڵات ناوين واده‌ وه‌ل ده‌وڵه‌ت تازه‌ێگ ديرێد

‌ڕايگ رووسى: خوه‌رهه‌ڵات ناوين واده‌ وه‌ل ده‌وڵه‌ت تازه‌ێگ ديرێد


شه‌فه‌ق نيوز/ ئێگۆر سوبوتين نويسه‌ر، له "نيزافيسيمايا غازيتا"، له‌ژير ناونيشان "شايه‌ت ده‌وڵه‌ت تازه‌يگ له‌ خوه‌رهه‌ڵات ناوين ده‌ركه‌فێد" باوه‌تيگ نويساگه‌ سه‌باره‌ت وه‌ ته‌كداين كورد ئه‌را هاوپه‌يمانێتى وه‌ل ئسرائيل له‌وه‌ر جيوه‌جيكردن ئاره‌زووه‌يليان له‌ ده‌وڵه‌تيگ تايبه‌ت وه‌خوه‌يان.

 

له‌و باوه‌ته‌ ك شه‌فه‌ق نيوز ئاگادارێ بوێ، هاگه‌: مه‌ولود چاوش ئۆغلو وه‌زير خارجيه‌ى توركى وتگه‌: توركيا ئاماده‌س ئه‌را ريكخستن سه‌ربازى له‌ باكوور عراق وه‌ل ئيران ئه‌نجام بيه‌ێد، ك يه‌يش جى گومانه‌ له‌باره‌ى ئه‌نجامداين په‌يوه‌ندى خاسيگ له‌لايه‌ن ئيرانه‌و وه‌ل پارت كارگه‌ره‌يل كوردستان وه‌خاتر داناين مه‌رزێگ ئه‌را نفوز توركيا جوور ئه‌وه‌گ شيه‌وكه‌ره‌يل باس له‌لى ئه‌كه‌ن.

 

نويسه‌ره‌گه‌ وتگه‌: يوئاف كيس له‌ حزب ليكۆد ئسرائيلى ك بنيامين نه‌تانياهۆ سه‌رۆك ئسرائيل سه‌ركردايه‌تيى ئه‌كا ده‌سپيشخه‌رييگ خسته‌سه‌‌ روێ ئه‌را دگانناين وه‌ مافه‌يل كورد له‌ ده‌وڵه‌تيگ تايبه‌ت وه‌خوه‌يان و له‌تى وتگه‌: حكومه‌ت ئسرائيلى بايه‌سه‌ دگان وه‌ سه‌روه‌خوه‌يى هه‌رێم كوردستان بنه‌ێد له‌ باكوور عراق، ئه‌ويش له‌ئاكام ته‌ماحه‌يل زيايه‌ى توركيا.