هــــه‌واڵ كــوردى
كوردستان داواى وازكردن ده‌روازيگى وه‌ل ئيران و قه‌رز ئه‌را پاريزگايگێ له‌ به‌غدا كرد

كوردستان داواى وازكردن ده‌روازيگى وه‌ل ئيران و قه‌رز ئه‌را پاريزگايگێ له‌ به‌غدا كرد


شه‌فه‌ق نيوز/ ئامانج ره‌حيم سكرتێر ئه‌نجومه‌ن وه‌زيره‌يل هه‌رێم كوردستان، داوا له‌ قاسم ئه‌عره‌جى وه‌زير ناوخوه‌يى ناوه‌ندى كرد ره‌زامه‌نى ده‌ربخه‌ێد له‌بان ئه‌وه‌گ ده‌روازه‌ێ ته‌وێڵه‌ له‌ پاريزگاى هه‌ڵه‌بجه‌ ده‌روازه‌يگ فه‌رمى مه‌رزيه‌و داوايش له‌ حكومه‌ت ناوه‌ندێ كرد قه‌رز بيه‌ێد ئه‌را پرووژه‌يل بويچگ له‌ هه‌مان پاريزگا له‌چوارچيوه‌ى ئه‌و قه‌رز و به‌خشينه‌يله‌ ك وه‌عراق دريا له‌ كۆنگره‌ێ كوه‌يت ئه‌را ئاوه‌دانكردنه‌وه‌ى عراق.

 

ره‌حيم له‌ وته‌يگى وه‌ بوونه‌ى ساڵياد بوردمانكردن هه‌ڵه‌بجه‌ وه‌ چه‌ك كيمياوى، وه‌رجه‌ سێ ساڵ بڕياريگ فه‌رمى له‌ حكومه‌ت عراقيه‌و ده‌رچى ئه‌را وه‌پاريزگاكردن هه‌ڵه‌بجه‌ له‌ قه‌زاوه‌ ئه‌را پاريزگا، وه‌لێ تائيسه‌ ئه‌و بڕياره‌ وه‌شيوه‌يگ كرده‌وه‌يى جيوه‌جى نه‌كرياگه‌.

 

جى باسه‌، ره‌حيم هه‌ميش وت: ئه‌گه‌ر ئه‌و بڕياره‌ جيوه‌جى بكريه‌ێد ئه‌وه‌ هه‌ڵه‌بجه‌يش جوور باقى پاريزگايه‌يل تر له‌ هه‌رێم كوردستان ئه‌دێ و ئه‌نجومه‌ن تايبه‌ت وه‌خوه‌ێ ئه‌دێ و له‌ هه‌مان وه‌خت داوايش له‌ حكومه‌ت عراقى كرد به‌شيگ له‌ بودجه‌ ئه‌را پاريزگاگه‌ ته‌رخان بكا.