هــــه‌واڵ عــیراق
عه‌بادى داواى گرتن ساخته‌كاره‌يل هه‌ڵوژاردن ئه‌كا

عه‌بادى داواى گرتن ساخته‌كاره‌يل هه‌ڵوژاردن ئه‌كا


شه‌فه‌ق نيوز/ حه‌يده‌ر عه‌بادى سه‌رۆك ئه‌نجومه‌ن وه‌زيره‌يل داواى ده‌ركردن فه‌رمان ئه‌را ده‌سگيركردن ئه‌و كه‌سه‌يله‌ ئه‌كا ساخته‌كارى له‌ هه‌ڵوژاردنه‌يل ئى دوياخر په‌رله‌مانيه‌ كردنه‌.

 

عه‌بادى له‌ كۆنگره‌يگ رووژنامه‌گه‌رى ك شه‌فه‌ق نيوز ئاگادارى بوێ ئه‌وه‌ ده‌رخست ك حكومه‌ته‌گه‌ى وه‌رده‌وامه‌ له‌ كاره‌يلى ته‌نانه‌ت تا دوياى كووتاييهاتن كار ئه‌نجومه‌ن نوێنه‌ره‌يليش له‌ حاڵه‌تيگ ئه‌گه‌ر لايه‌ن دادوه‌رى ئاكامه‌يل هه‌ڵوژاردن په‌سه‌ند نه‌كا.

 

عه‌بادى داوايش له‌ فراكسيۆنه‌يل سياسى كرد ريز و حورمه‌ت بنه‌ن له‌ كاره‌يل ده‌ستوورى له‌باره‌ى يه‌كلاكردنه‌وه‌ى مه‌سه‌له‌ى هه‌ڵوژاردنه‌يل و داوايش له‌ ده‌زگايه‌يل دادوه‌رێ كرد فه‌رمان ده‌سگيركردن ده‌رهه‌ق ساخته‌كاره‌يل هه‌ڵوژاردنه‌يل ده‌ربكه‌ن.