هــــه‌واڵ عــیراق
عراق: جه‌نگ 150 هه‌زار ماڵ ويران كردگه‌

عراق: جه‌نگ 150 هه‌زار ماڵ ويران كردگه‌


شه‌فه‌ق نيوز/ عراق ئاشكراى ئه‌وه‌ كرد ك جه‌نگ زياتر له‌ 150 هه‌زار ماڵ ويران كردگه‌و هه‌وه‌جه‌ وه‌ زياتر له‌ 88 مليار دۆلار ديرێد ئه‌را دوباره‌ ئاوه‌دانكردنه‌وه‌ى كه‌رته‌يل جياجياى زه‌ره‌دمه‌ن دوياى كووتاييهاتن جه‌نگ.

 

سه‌لمان جومێلى وه‌زير نه‌خشه‌كيشان وت: عراق خوازيار ده‌سوه‌پيكردن زنجيره‌ پرووژه‌يليگه‌ له‌ بوار ژيرخان ئابوورى ك بڕ خه‌رجه‌گه‌ێ ئه‌ڕسێده‌ نزيكه‌ى 5 مليار دۆلار وه‌ هاوبه‌شى وه‌ل كه‌رت تايبه‌ت.

 

جومێلى هه‌ميش له‌ وته‌يگى له‌ كۆنگره‌ى ژيرخان ئابوورى ناوده‌وڵه‌تى له‌ سيئۆل پايته‌خت كۆرياى باشوور وت: قه‌واره‌ى جه‌م وه‌به‌رهاوردن له‌ پلان په‌نجلايى له‌ماوه‌ى 2018 – 2022 ئه‌ڕه‌سێده‌ نزيكه‌ى 186 مليرا دۆلار و پشتگيرى كه‌رت تايبه‌ت ئه‌كا وه‌ زياتر له‌ 40% له‌لى.