هــــه‌واڵ عــیراق
فراكسيۆنيگ شيعه‌ ده‌سپيشخه‌رێ مه‌عسوم و نه‌ته‌وه‌يل يه‌كگرتگ ئه‌را راپرسێ ره‌ته‌و كرد

فراكسيۆنيگ شيعه‌ ده‌سپيشخه‌رێ مه‌عسوم و نه‌ته‌وه‌يل يه‌كگرتگ ئه‌را راپرسێ ره‌ته‌و كرد


شه‌فه‌ق نيوز/ حامد ئه‌لخزه‌رێ سه‌رۆك فراكسيۆن ئه‌لمواتن له‌ ئه‌نجومه‌ن نوێنه‌ره‌يل، ئاشكراێ ره‌ته‌وكرد ئه‌و ده‌سپيشخه‌ريه‌ كرد ك فوئاد معسوم سه‌رۆك كۆمار خسته‌ێ روێ له‌باره‌ێ قه‌يران راپرسێ هه‌رێم كوردستان.

 

ئه‌لخزه‌رێ له‌ به‌ياننامه‌يگ له‌لايه‌ن نويسينگه‌ ره‌ساننه‌گه‌ێ فراكسيۆنه‌گه‌وه‌ وت: ئه‌نجومه‌ن نوێنه‌ره‌يل عراقى و دادگاێ ناوندى راپرسێ له‌ هه‌رێم ره‌ته‌و كردنه‌ بيجگه‌ ناوچه‌يل كيشه‌ له‌سه‌ر له‌وه‌ر ناده‌ستووريه‌ت و نه‌وين هويچ سه‌نه‌ديگ ياسايى ئه‌رايان.

 

جى باسه‌، ئه‌لحزه‌رێ هه‌مش وت: وه‌ل ريز و حورمه‌تمان ئه‌را سه‌رۆك كۆمار و ئه‌ميندار گشتى نه‌ته‌وه‌يل يه‌كگرتگ له‌وه‌ر هه‌وڵه‌يل دڵسووزانه‌يان، وه‌لێ ئيمه‌ ده‌سپيشخه‌رێ سه‌رۆك كۆمار قه‌بول ناكه‌يم ك پشت وه‌ ده‌سپيشخه‌رێ نوێنه‌ر نه‌ته‌وه‌يل يه‌كگرتگ به‌ساگه‌، چونيكه‌ هه‌ردوگ ده‌سپيشخه‌ريه‌گه‌ دوياخستن راپرسێ ئه‌گرنه‌ خوه‌يان ك چه‌واشه‌ێ ده‌ستووره‌.