هــــه‌واڵ كــوردى
حكومه‌ت كوردستان داواى وساننه‌وه‌ێ په‌لاماره‌يل ئاسمانى له‌ توركيا كرد

حكومه‌ت كوردستان داواى وساننه‌وه‌ێ په‌لاماره‌يل ئاسمانى له‌ توركيا كرد


شه‌فه‌ق نيوز/ حكومه‌ت هه‌رێم كوردستان ئه‌و په‌لاماره‌يل ئاسمانيه‌ شه‌رمه‌زار كرد ك له‌لايه‌ن ته‌ياره‌يل جه‌نگى توركيه‌و ئه‌نجام دريان ئه‌را بان ناوچه‌يليگ له‌ پاريزگاێ دهۆك و بويه‌ هووكار كوشيان هه‌فت هاووڵاتى مه‌ده‌نى.

 

حكومه‌ت له‌ به‌ياننامه‌يگ وت: له‌ وه‌ختيگ ك هاووڵاتيه‌يل خه‌ريك كار كشتوكاڵى بوينه‌ له‌ناو باخ و بووسانه‌يليان، ته‌ياره‌يل جه‌نگى ئه‌و ناوچه‌يله‌ وه‌ مه‌هانه‌ێ وه‌ئامانجگرتن بنگه‌يل پارت كارگه‌ره‌يل كوردستان بوردمان كردنه‌.

 

جى باسه‌، حكومه‌ت له‌ به‌ياننامه‌گه‌ێ داوا له‌ توركيا كرد ئيچنه‌ بوردمانه‌يليگ بووسنێد، چوينكه‌ زه‌ره‌د ره‌سنێده‌ هاووڵاتيه‌يل هه‌رێم كوردستان.