هــــه‌واڵ عــیراق
حه‌مودى له‌باره‌ى ده‌خاڵه‌ت بيگانه‌ له‌ كاروبار وڵات وشدارى دا

حه‌مودى له‌باره‌ى ده‌خاڵه‌ت بيگانه‌ له‌ كاروبار وڵات وشدارى دا


شه‌فه‌ق نيوز/ هومام حه‌مودى سه‌رۆك ئه‌نجومه‌ن باڵاى ئسلامى، وشدارى دا له‌باره‌ى ده‌خاڵه‌تكاريه‌يل بيگانه‌ له‌ كاروبار عراقى و يه‌يش وه‌ ده‌سوه‌ردانيگ له‌ سه‌روه‌رى نيشتمانى و ده‌سدريژييگ ئه‌را بان مافه‌يل ملله‌ت له‌ هه‌ڵوژاردن حكومه‌ته‌گه‌ێ تاريف كرد.

 

حه‌مودى له‌ وته‌يگ وه‌بوونه‌ى جه‌ژن غه‌دير ك له‌لايه‌ن ئه‌نجومه‌نه‌گه‌يه‌و ساز كريا، باس له‌ بارودوخ ئيسه‌ى وڵات كرد ئه‌را پيكهاوردن كوتله‌ى گه‌وراو ئاماژه‌يش وه‌ هه‌ڵه‌په‌ڵه‌ كرد ئه‌را يه‌كلاكردنه‌وه‌ى ئى مه‌سه‌له‌ له‌وه‌ر دامه‌زرانن حكومه‌ت تازه‌و دوينستنه‌وه‌ى چاره‌سه‌ر كرده‌وه‌يى ئه‌را كيشه‌يل وڵاته‌گه‌.

 

جى باسه، حه‌مودى باس له‌وه‌يش كرد ك قه‌واره‌يل سياسى هه‌وڵ وه‌رده‌وام ئه‌يه‌ن ئه‌را ريككه‌فتن وه‌خاتر پيكهاوردن كوتله‌ى گه‌ورا ك يه‌كه‌مين گامه‌يل دامه‌زرانن حكومه‌ت تازه‌س له‌ عراق.