هــــه‌واڵ عــیراق
وه‌رپرسيگ له‌ يه‌كێتى نيشتمانى: ئه‌وه‌گ له‌ خورماتوو روێ ئه‌ياد له‌ ئه‌نفال خراوتره‌

وه‌رپرسيگ له‌ يه‌كێتى نيشتمانى: ئه‌وه‌گ له‌ خورماتوو روێ ئه‌ياد له‌ ئه‌نفال خراوتره‌


شه‌فه‌ق نيوز/ جيگر وه‌رپرس ريكخستنه‌يل يه‌كێتى نيشتمانى كوردستان له‌ حه‌مرين، وت: ئه‌و بارودوخه‌ ك هاته‌سه‌ تويش خورماتوو ته‌نانه‌ت له‌ وه‌خت كاره‌سات ئه‌نفال ساڵ 1988يش روێ نه‌ياگه‌و ئه‌گه‌ريش هه‌ر ريككه‌فتنيگ كرياگه‌ بايه‌سه‌ ئاگادار مه‌ردم له‌لى بكريه‌ێد نه‌ك قه‌تڵ و عام و ده‌ركردن مه‌ردم له‌لايه‌ن حه‌شد شه‌عبيه‌و ده‌رهه‌ق مه‌ردم شاره‌گه‌.

 

حه‌سه‌ن بارام له‌ لێدوانيگ ته‌له‌فزيۆنى وت: ئه‌وه‌گ له‌ خورماتوو روێ ئه‌ياد له‌ ئه‌نفال خراوتره‌ ك له‌ساڵ 1988 ئه‌نجام دريا، ك مه‌ردم شاره‌گه‌ وه‌ تنيا هيشتنه‌وه‌و  شماره‌يگ له‌ليان كوشيان و شماره‌يگيش زه‌خمدار بوين.

 

بارام وت: ئه‌گه‌ر ئى كاره‌ وه‌ ريككه‌فتن بويه‌ بايه‌سه‌ ئاگادارمان بكرديان، چوينكه‌ ئه‌را ماوه‌ێ سێ رووژه‌ ئه‌نفالمان ئه‌كه‌ن و وه‌بى خواردن و ئاو ژيه‌يم، ئه‌ى كووان پاڵه‌وانه‌يل شاشه‌و ئه‌راچه‌ پرسيار له‌بانمان ناكه‌ن؟    

 

جى باسه،‌ بارام هه‌ميش وت: حه‌شد شه‌عبى له‌ خورماتوو خه‌ريك ته‌قاننه‌وه‌و تاڵانكردن ماڵه‌ كورده‌يلن و سووكايه‌تى وه‌ مه‌ردم ئه‌كه‌ن.