هــــه‌واڵ عــیراق
سوپاى ئه‌مريكى: ئيران ته‌نيا سه‌ركه‌فتگه‌ له‌ عراق

سوپاى ئه‌مريكى: ئيران ته‌نيا سه‌ركه‌فتگه‌ له‌ عراق


شه‌فه‌ق نيوز/ له‌يه‌كه‌وداينيگ له‌لايه‌ن سوپاى ئه‌مريكييه‌و ك ساڵه‌يليگه‌ خه‌ريك نويساننيه‌، ئاماژه‌ وه‌ ئه‌وه‌ كرد ئيران بوير و فراوانكار جوور ئه‌وه‌ دياره‌ ك ته‌نيا سه‌ركه‌فتگيگه‌ له‌ عراق دوياى داگيركارى ئه‌مريكى له‌ 2003.

 

سوپاى ئه‌مريكى كووتايى وه‌و كتاوه‌ هاوردگه‌ ك پيكهاتگه‌ له‌ 1300 لاپه‌ڕه‌، ك ساڵ 2013 له‌لايه‌ن ريمۆند تۆماس ئۆديرنۆ سه‌رۆك ئه‌وساى سوپا وه‌ فه‌رمى راسپادن ئه‌را نويساننى كرياگه‌و نزيكه‌ى زيار له‌ هه‌زار به‌ڵگه‌يش گرته‌سه‌ خوه‌ى و باس له‌ داگيركارى عراق ئه‌كاو دانه‌ره‌گه‌يش پيكهاتگه‌ له‌ هه‌ردوگ عه‌قيد جۆ ريبۆرن و فرانك سوبتشاك و ئيسه‌يش هه‌ردوگيان خانه‌نشينن.

 

جى باسه‌، له‌و له‌يه‌كه‌وداينه‌ ك ئه‌نجام درياگه‌ له‌ كتاوه‌گه‌ باس له‌وه‌ كرياگه‌ ك ئيران و سوريا شوون ئه‌مانيگ و پشتگيرى ئه‌را چه‌كداره‌يل شيعه‌ و سنى دابين كردنه‌، وه‌لێ ئه‌مريكا هويچ وه‌ختيگ ستراتيجيه‌ت كارايگ نه‌ياشتگه‌ ئه‌را مه‌سه‌له‌ى وسانن كرده‌وه‌يل سه‌ربازێ و ئاماژه‌ وه‌يه‌يش ئه‌كا جه‌نگ هاوپه‌يمان سه‌ركه‌فتگ نه‌ويه‌، چوينكه‌ ده‌وڵه‌ته‌يل هاوپه‌يمان هيزه‌يل ته‌واويگ كلنه‌كردنه‌و چوارچێوه‌ى كرده‌وه‌يليان دياريكرياێ بويه‌.