هــــه‌واڵ كــوردى
پارتى: زوورم وه‌رپرسه‌يل عراقى ماڵه‌يليان ها له‌ى شاره‌ له‌وه‌ر هووكاريگ

پارتى: زوورم وه‌رپرسه‌يل عراقى ماڵه‌يليان ها له‌ى شاره‌ له‌وه‌ر هووكاريگ


شه‌فه‌ق نيوز/ فازڵ ميرانى سكرتێر مه‌كته‌ب سياسى پارت ديموكرات كوردستان، وت: زوورم وه‌رپرسه‌يل عراقى ماڵه‌يليان ها شار هه‌ولێر پايته‌خت هه‌رێم كوردستان ك بارودوخ ئه‌منى له‌تى سه‌قامگيره‌.

 

ميرانى له‌ وته‌يگ له‌وه‌خت ئاهه‌نگ بانگه‌شه‌ى هه‌ڵوژاردن ئه‌را ليست حزبه‌گه‌ى له‌ قه‌زاى شه‌قڵاوه‌ وت: هه‌رێم كوردستان نموونه‌س ئه‌را ژيان هاوبه‌ش و بايه‌سه‌ مقه‌يه‌تى له‌ى ژيانه‌ بكه‌يم له‌ناونى گشت پيكهاته‌يل و ئايينه‌يل و مه‌زه‌وه‌يل له‌ هه‌رێم.

 

جى باسه‌، ميرانى هه‌ميش وت: ئيمه‌ نموونه‌يگ جوان پيشكه‌ش وه‌ گشت جه‌هان كرديمنه‌و گشت حزب و لايه‌نه‌يل سياسى به‌شيگن له‌ كوردستان و ئه‌وان خاوه‌ن كوردستانن، وه‌لێ ئويشيم ئه‌وه‌گ خاوه‌ندارێتى ئى خاكه‌ ئه‌كا ئه‌وانه‌ن ك وه‌رگرى له‌لى كردنه‌و هه‌وڵ ئه‌راى دانه‌ ك ئه‌ويش پارت ديموكرات كوردستانه‌.