شهفهق/ حكوومهت ههرێم ويلايهت(مهدهيه بهرديز) له هندستان ياسای نوويگ دهر كرديه ئهرا ئهوانهگ
مانگا سهربڕن و گووشتهگهی خوهن، دهق بهيانهگه چنهس: ههر كهسێگ مانگاێگ سهر بووڕێد، ئهو كهسه بايهد ههفت ساڵ رهوهق رهوهق بچووده زندان. ئهيهيشه وه مهمهر ئهوهسه ك مانگا گياندارێگ پێرۆزه له لای هنديهيل و نيهود سووكايهتی يا رهفتار خراويگ وهليا بكريهيد.
وه گورهی خهوهريگ ئاژانسيگ پاكستانی ئهی ياسا وه ههوڵ و تهقلای پارت(بههاراتيا جانيتا)ی هندی له ئهی ههرێمه پهسهند كريا و تهقالا ئهرا ئهوه كهن گشت دام و دهزگايل حكوومی له ئهی ياسا پيڕهوی بكهن.
ههميش وهگورهی ئهو بهيانهگ له ويلايهت(مدهيه بهرديز) دهركرياس، سهر بڕين مانگا تاوان فره قورس و گهورا و خراويگه له هندوستان له موود يهگ هس هندوهيل زهخمدار ئهكا. بايهد پۆليسيش وهل ژنفهتن خهوهرێگ ئيچنه، ههڵمهت گهردين و مينهكردن دهس وه پێ بكا تا شوون سهربڕين مانگاو تاوانبار سهربڕيش بوينێدهو و تاوانبار بگرن. ئهگهر ئهی تاوانه چ له دهيشت شار و چ له ناو شار يا له ناو ماڵيش بوود، ههر جوور يهگ سزايان دريهيد. ئمجا ئهی سزا ئهرا ئهوهگ سهر مانگا بڕيه يا بهشداری له سهربڕينی كرديه يا گووشت مانگا ئيلاوئهولا كرديه يا فرووشتيهسهی يا خوارديهسهی ههر جوور يهكه.
| < پێشتر | دواتر > |
|---|
