شهفهق/ بڕێگ ههن ك ئهو توانا دێرن تا وهو ئارزووهگ ديرن بڕهسن!. يهكێگ لهوانهيش ژنێگه وه ناو(كيلی)
ك ده ههفته سهرهو خوار خهفت تا مناڵێگ ك له زگێ بوی له بارێ نهچوود.
وهختێگ مناڵ يهكم ئهرای بوی، هويچ گرفتێگ نهياشت، وهلی ئهرا مناڵ دويم تويش گيچهڵ هات. لهی مووده ك بهش نوای مناڵدانێ جوورترهك وه پێ هاتوی و مناڵهگانی له بارێهو چيان.
دويا جارێگ دوگيان بوی، ئهرا يهگ تويش ئهی گيچهڵه نهيهێد، مهڵههم پروژسترۆن وهل كومهێگ تر ڕێنمايی گرتهو وهر. وهلی ديوای ماوهێگ سهر مناڵدانێ كرياوهو چشتی نهمهنويد مناڵهگه له بارێ بچوود. دكتۆر وه پهلهپهل رهسيه هاناێ و لهلێ خواست ماوهی دهههفته سهرهو خوار له نهخوهشخانه بخهفێد.
ئهويش رازی بوی تا ماوهی 10 ههفته وهو جوورهگ دكتۆر ئويشێ دريژ بكيشێد و لهی ماوهيشه ههم كتاو خوهنی و ههميش چنه نان خوارديا.
وه مهمهر خهفتنێ له بان يهی شوون لار ك چل وپهنج پله وهرهو خوار بوی، تويش سڕ بوين ههردو قول بوی. وهلی ئهی ژنه ئهرا رهسين وه ئارزوو خوه وهردهوامی وهو جووره خهفتنه دا، تهنانهت وهختێگ دكتۆر له لێ خواست تا سهرينێگ بناده ژێر سهر تا ئهی قرهيش وه دويايا نهكهفێد، وه قهوڵ دكتۆرهگهيش نهكرد.
ئهی ژنه بيس و نو ساڵانه، دويای ئهوهگ يهكم مناڵ ئهرای بوی، كارهگهی خوهی وه مهمهر سس بوين مناڵدانی هيشته جی و مناڵێگ نهوه يا شهش ههفتهيی ئهرای هاته دی و ئهی مناڵه له نهخوهشخانهی تايبهت مهن و ئمجا دانهی پێ.
| < پێشتر | دواتر > |
|---|
