شهفهق/ ئهسرا شاواز
بكا، ئهویش ئهوهسه ك شوون نیشتهجى ئهڕاى دابین بوود و لهژیر بنمیچى جیگیر بوود، بیگومان یهیش ههقیگ سروشتیه ك خاك بهخشیگهى ئهو ئادهمیزاده ك لهبانى ژیهیگ، وهل ئهوهیشا قهوریگ ئهڕاى دابین كردگه ك لاشهى بگریگه خوهى و زانست ك ئادهمیزاد لهلایهن خوداى گهوراو میهرهبانهو ریز لهلى نریاگه تا بویهسه خهلیفهى لهبان ئى زهویه.
كتاوهیل ئاسمانى گشتیان زامن ئى ههقه ئهڕاى كردنهو بیجگه ئهوهیش شهرع و دهستوورهیل ئنسانیهتیش ئى چشته وهههقیگ سروشتى زانست، چوینكه بانگهواز جههانى ئهرا ههقهیل ئادهمیزاد لهماددهى(25)بڕگهى(1)ئویشیگ (گشت كهسیگ ههق ژیان لهگشت ئاستیگ دیریگ لهوهر خاتر مقهیهتیكردن له تهندروسى و بهختهوهرى ئهرا خوهى و خیزانى، ك خوهراك و جنگ و شوون نیشتهجى گریگهو...) وهل ئهوهیشا دهستوور عراقیش وهههمان شیوه زهمانهت ههق نیشتهجیبوین عراقیهیل كردگه. وهلى عراقیهیل ساڵهیل دویر دریژیگهناڵنن وهدهس قهیران نیشتهجى و گشت ساڵیگیش ئى قهیرانه زیاتر بوود، ئنجا هاووڵاتییش زیاتر هس وه تهنگى و غوربهت ئهكا لهبان ئى خاكه ك وژهیگ لهلى شك نیهوهیگ و خوهیشى كوڕ ئى خاكهسهو باوگ شهرعى ئهو خهیر وبهیریهسه ك دیریگهى و لهههمان وهخت خوهى خیزانى ناڵنن وهدهس كرانشینى و ئهوهك كهفیگه دهسى جهمیهو ئهكا ئهرا ئهوهك سهر مانگ بهیگهى خاوهن موڵك. ئنجا لهشوون ئى ههمگه ساڵهیل ناخوهشیه، وزارهت ئاوهدانى و نیشتهجیكردن ئاشكراى دابهشكردن خانگ نیشتهجیبوین كرد ئهرا ئهوانهك كارمهند نین، وهتایبهت لهگشت پاریزگایهیل وهشیوهى دابهشكردن تازه لهچوارچیوهى پرووژهیل خزمهتگوزارى و بنیاتناین ئهرا هاووڵاتیهیل، ك لهناونى ئهو دابهشكردنه(30%)ى دابهش كریهى لهبان ئاوارهیل، وهلى وزارهتهگه دهسنیشان هویچ ئاوارهیگ نهكرد، ك ئایا ئهو ئاوارهیله لهناو وڵاتهگهو ناوچهیل خوهیان هیشتنهجى و كووچ كردن وهرهو ناوچهیل تر لهئهنجام كردهوهیل تیرورستى و كوشتن لهبان شوناسنامه؟، یا ئهوانهك كووچ زوورهملى وهپیان كریا لهكوردهیل فهیلى ئهرا دهیشت وڵات؟ ك تاوانهیلیگ دژ ئنسانیهت و تاوان لهناوبردن وهجهم دهرههقیان ئهنجام دریاو گهوراتر و پیستر بوى لهو كردهوهیل تیرورستیه ك لهشوون 2003 رویداو ئهوه بوى گشت بهڵگهنامهو ماڵ و موڵكهیلیان لهلیان زهفت كریا لهلایهن پیاوهیل ئاسایش رژیم و لهههمان وهخت وهزارهت ئهوساى دارایى گشت ئهو ماڵهیل كرده ناو دارودهسهى رژیم و دویاى ئهوهیش فرووشیانه كهسهیل تر و لهلیانیش بوى جویر دیارى دریانه پیاوهیل رژیم رمیاگ، ك وهگوورهى بڕیار شماره 666ئهنجوومهن سهركردایهتى شووڕش لهناوچگ زهفت كریا.
كوردهیل فهیلى بیبهش بوین لهچهك خوهراك یا بتاقهى تهموینى، ئنجا ئایا كریهیگ دهوڵهت نسبهیگ لهو خانگهیله ك دروسى ئهكا بكهفیگهوهر فهیلیهیل؟ یهیش لهوهختیگ ك كوردهیل فهیلى داواى ههقهیل رهواى خوهیان كهن و چهوهڕى منهت لهكهس ناكهن. ههر لهوهر ئهوهیش داواى هاوردنهوهى ماڵهیلیان و قهرهبووكردن ئهو زهرهدهیله كهن ك لهساى رژیم شۆڤێنى وهپیان رهسى، چوینكه دهوڵهت عراقى سهدامى گشت ماڵ و موڵك كوردهیل فهیلى زهفت كرد. ئنجا وهگوورهى ئامار ناوچهیى ئهوه ئاشكراس ك ئهو ناوچهیله كوردهیل فهیلى لهتى جیگیرن 90%یان شوون نیشتهجى تایبهت وهخوهیان نهیرن، یهیش لهشوون ئهوهك ئهوان خاوهن موڵك و كڕكڕهى پشت ئابوورى عراق بوین.
| < پێشتر | دواتر > |
|---|
