شهفهق/ كوومهڵگاى عیراقى ڕووژانه تویش زنجیرهیگ دزى(ئبتزاز) بوود، ههر له دزى بازرگانهیل و نرخ
بهرز كاڵایهیل گهنیان تا ڕهسیده دزى خاوهن موهلیدهیل موڵكى و قۆڵبڕین هاوڵاتیهیل وهتایبهتى له تاوسان وهل بهرزهوبوین پلهیل گهرما، و ئنجا قهساوهیل و سهوزهفرووشهیل تا ڕهسیده ژنهیل چاینهویش ك وه دۆلار ئهمریكى داواى كهرایه كهن.
كوومهڵگاى عیراقیمان تویش زنجیرهیگ وهردهوام كارهیل تیرۆریستى تیهید و ههمیش تویش بارووهزع زندگانى سهختیگ تیهید و لهوهر ئى بارووهزعه فرهكهس گیان خوهیان له دهس دهن یا له ئاكام كارهیل تیرۆریستى یا له خوهسهوه مرن چوینكه نیهتویهنن ڕزق و ڕووزى ڕووژانهى خێزانهگهیان دابین بكهن.
و له كوومهڵگاى عیراقیمان، گشتمان زانیمن ك وهختى بوونهیگ دینى بوود یا یهكیگ ئهمر خودا بكهید، كهسوكارهگهى وهل چاینهویشیگهو ڕیك كهفن تا چاینه بویشید و ئهرایان چشتهیل دڵتهنگیگ بخوهنى تا كهسوكار مردیهگه ههرچى غهم و خوسهى دڵیانه وهپى دامركنن.
جارجاریگ گیرستنمان ئهرا مردیهگه نیه بهڵكوو ئهرا خوهمانه چوینكه مردیهگه له عهزاو دونیا و غهم و خوسه قورتارى بوى، وهلى ئیمه مهنیمن و وهل ئى وه تهنیا مهینهتیهو ژیان بهیمنه سهر، چوینكه زویتر ئهو مهینهتى و غهمه بهشهو بویاده بان دو، وهلى ئیسه ئهرا یهكى مهنیهسهو، و چوین بتویهنیم ڕوى وهڕوى ئى بارووهزع سهخته بویمن، و چوین بتویهنیمن نان خێزانیگ بیهیمن لهى وڵاته ك كاروهدهسهیلى خهریك خوهیانن و چهنى پویل جهمهوكهن و چ پۆستیگ گیر تیهرن. و چوینكه ئیمه له له حاڵهتیگ له سهركوتكردن ژیهیمن و چوینكه سیماى گشتییگ ك زاڵ بویهسه بانمان خهمۆكى و دڵتهنگیه، نووڕید ئیمه حهز لهو چشتهیله كهیمن ك دڵتهنگهو هیلیدهمان بگیریمن و تهنانهت له گووشتهكاننمان له گورانى و تهماشاكردن فیلم و زنجیرهدراما، حهزكهیمن لهوانهگ سیماى دڵتهنگى وهپیانهو دیاره، و جوور جوانترین چشت دهیمنهیانه قهڵهم، تهنانهت وهل وشه (كلمات) گورانیهگه و مهتهڵ فیلمهگه ژیهیمن و ئویشیمن چمانى یه باس ئیمه ئهكا.
وهههمان شیوه وهختى چاینهویش ئهرا پرسهى مردیهیلمان تیهریمن، چوینكه هاوردن چاینهویش بویهسه داب خێزانهیل كهمدهسیش نهك تهنیا خێزانهیل دهوڵهمهن، ئهوسا چاینهویش وهزووان خوهى داواى كهرایه نهكردیاد و وتیاد ههرچى بهینه پیم وه خهیر مردیهگهدانه.
وهلى ئیسه لهى وهخته، وهل پیشكهفتن گهورا له عیراق، كاریگهرى گهورایگ داشت لهبان كهرایهى چاینهویشهیل و ئیسه دى وه دۆلار داواى كهرایه كهید ك سهعاتیگى وه 100دۆلاره و چوینكه پرسهیلمان سێ ڕووژ وهپى چوود یه مهعناى ئهوهسه ك بایهته 300 دۆلار بیهیمن و ئنجا له ههفته، و له شوون ئهوهیش له سهرساڵ و...هتد. ئهوه بیجگه ئهو بڕ پویله ك لهبان ئهو سینیه جهمهو بوود ك خاوهن مردیهگه ئامادهى كهید و ناوى نریاس سینى مردیهگه، ئهوه بیجگه بردن بهش خوهى له خوهراك و شرینى.
دى نیهزانیمن ك ڕووژگار چهلهلیمان شاردیهسهو و ئایا كهرالى چاینهویش چهنى بهرزهو بوود وهل بهرزهو بوین نرخ گشت چشتیگ له عیراق؟ پهندیگ عهرهبییش لهى باوهته ههس ك ئویشید "موت و خراب دیار" یهعنى"مردن و ماڵڕمیان".
| < پێشتر | دواتر > |
|---|
