وهبوونهی هاتن عهيد قيامهت خوهشك وبرايهيل مهسيحيمان ؛ گهرمترين پيروزبايی خوهم وهاوكارهيلم لهدهزگای رهسانن وروشنهيوری كوردهيل فهيلی شهفهق ئاراسهی خوهشك وبرايهيل مهسيحی كهم وله خودای گهورا داواكارم ك ئی عهيده له گشت لايگ موبارك بووگ..
وبرايهتی وهاوكاری لهناونی گشت نهتهوهو تايفهيل عراقی بتهوترهوبكهيگ وهاولاتيهيل مهسيحيمانيش له سايهی عراق ئازادی وديموكراتی وفدرالی وه ئارامی وخوهشالی بژيهن . گشت زانيمن ك هاولاتيهيل مهسيحیمان لهی سالهيل ديواخره تيوش تاوانهيل كوشتاروكوچ وهپيكردن وهزور هاتنهوژمارهی فهرهيگ لهوئهزيزهيله وهدهس دوژمنهيل ئازادی كوژيانه وله زيد باوگ وباپيرهيليان وهزور دهركريانه ؛ ئيمه له وهختيگ پشتگيری خوهمان له حهق ڕهوای ئی ئهزيزهيله كهيم له حكومهت عراق توايم له ههرتهقالايگ ئهرا زامن كردن ژيانيگ ئارام وديورله توندوتيژی ئهرا خوهشك وبرايهيل مهسيحي وئاشوری وكلدانيمان دريغ نهكهيگ . سهرلهنووهاتن عهيد قيامهت له پهيرهوهيل عيسا مهسيح سهلام خودا لهلی بووگ پيروزبووگ .
عهلی حسين فهيلی
سهروك ئهنجومهن وهڕيهوبردن دهزگای ڕهسانن وڕوشنهيوری كوردهيل فهيلی – شهفهق
| < پێشتر | دواتر > |
|---|
