شهفهق/ چهن پهرلهمانتاریگ داوا له حكوومهت عیراق كردن ههڵهپهڵه بكهید له ئمزاكردن ڕیككهفتننامهیل
ئاسایشى وهل وڵاتهیل هاوسا وهرجله خودكیشان هێزهیل ئهمریكا له كووتایى ئى ساڵه، و ترس خوهیان نیشاندان له دهسخستن ئى لایهنهیله له شوون ئهو خودكیشان چهوهڕیكریایه.
فالح سارى نوێنهر هاوپهیمانى نیشتمانى له پهیوهندییگى وهل شهفهق وت:" ترس فرهیگ ههس له دهسخستن وڵاتهیل هاوسا له كاروبار عیراق له شوون خودكیشان هێزهیل ئهمریكا له كووتایى ئى ساڵه". و ئهوهیشه ڕووشنهوكرد ك:"ئى كاره ئهوه تواید ك دهزگایهیل ئاسایشى له بان سنوورهیل عیراق چڕوپڕهو بكریهید، ئهرا ڕیگرتن له دزه كردن گرووپهیل چهكدار".
ئهوهیشه ڕووشنهوكرد ك:"وڵاتهیل هاوسا ئهگهر ههوڵ بیهن ئهرا دهسخستن سهربازى وهڕیگهى كلكردن لهشكرهیلیان له شوون خودكیشان هێزهیل ئهمریكا، عیراق تواناى ئهوه نهیرى وهرگرى له خوهى بكهید" و زیاتر ئهوهیشه وت ك:"حكوومهت عیراق بایهته ههڵهپهڵه بكهید له ئمزاكردن ڕیككهفتننامهیل ئاسایشى و بتهوكردن پهیوهندیهیل وهل وڵاتهیل هاوسا وهرجلهوهگ هێزهیل ئهمریكا له عیراق دهربچن". و لهبان ئهوهیشه جهختكرد ك:"چهن دهوڵهتیگ ههس ك هیمان ههڵوێستیان نادیار و تهماویه و ههوڵدهن ئهرا دهسخستن نهرێنى یا نیگهتیف له كاروبار عیراقى".
عوسمان جحێشى نوێنهر لیست عیراقیه له قسهیلى ئهرا شهفهق وت:"عیراق دهسخستن ئاشكرایگ وهخوهیهو دوینى له لایهن وڵاتهیل هاوسا، و ڕیگرتن لهى دهسخستنهیله ئهوه تواید ك گشت فراكسیۆنهیل سیاسى ههڵوێستیگ وهقهوهت داشتوون". و ئهوهیشه ڕووشنهوكرد ك:" لهى وهخت حازریه قهیران متمانهداشتن ههس له ناوبهین فراكسیۆنهیل سیاسى". و ئهوهیشه ئاشكراكرد ك:"ئى قهیران متمانه زهمینهیگ سیاسى تورت خوڵقان و شایهت بووده مههانهى دهسخستن وڵاتهیل هاوسا له كاروبار عیراقى". و زیاتریش وت:"یهكهوخستن وتار سیاسى ناوبهین فراكسیۆن سیاسى و دروسكردن پهیوهندیهیل بتهویگ وهل وڵاتهیل هاوسا وه دڵنیاییهوه نواى دهسخستن وڵاتهیل هاوسا گرید و عیراق سهروهرى تهواویگ پهیا كهید".
شیهوكهر سیاسى عهباس یاسرى له پهیوهندییگى وهل شهفهق ئهوه وهدویرزانست ك:" له شوون خودكیشان هێزهیل ئهمریكا له عیراق له كووتایى ئى ساڵ حازریه، دهسخستن ههرێمى له كاروبار عیراقى پهیا بوود". و ئهوهیشه ڕووشنهوكرد ك:"دهسخستن وڵاتهیل هاوسا ئیسهیش وجوود دیرى وهلى لهى ماوهى دویاییه كهمهوكردیه وهتایبهتى لهشوون ئهوهگ شهپۆل یا مهوج گۆڕانكارى خشهكردیهسه بان ناوچهگه ك دهزگایهیل ههواڵگرى ئهو وڵاتهیل عهرهبیه له پڕویكهو بردیه ك باوهش گهرم بڕیگ له گرووپهیل تیرۆریستى بوین".
زیاتریش وت ك:"عیراق ئیسه لهباووهزعیگ خاستره له لایهنهیل سیاسى و سهربازى، لهوهر ئهوه خودكیشان هێزهیل ئهمریكى كاریگهرى فرهیگ نهیرى لهى باوهته".
له همان وهخت لهوه وشیاركرد ك دهسخستن وڵاتهیل هاوسا له كاروبار عیراق له شوون خودیشان هێزهیل ئهمریكا زیاترهو بوود ئهگهر ئۆپهراسیۆن سیاسى له عیراق سسهو بوو یا پهكى بكهفید".
شایان باسه ك نورى مالكى سهرۆك وهزیرهیل عیراق له ڕووژ یهكشهممهى وهرین ئهوه ئاشكراكرد ك هێزهیل چهكدار عیراق و دامودهزگایهیل ئاسایشى تواناى ئهوه دیرن ك ئهرك و وهرپرسیارى تهواو وهربگرن له شوون خودكیشان هێزهیل ئهمریكا له كووتایى ئى ساڵه.
| < پێشتر | دواتر > |
|---|
