شهفهق/ قسهكهرێگ وهناو سهرۆكایهتى ههرێم كوردستان رهتیهوئهكادهو ك
پارت یهكيهتى دیموكرات له سوریا بانگهێشت نهكرياويد ئهرا كۆنگرهى رهوهند كورد سوریا له ههولێر.
پارت یهكيهتى دیموكرات لهشوون كۆنگرهگهى ههولێر له بهیاننامهیگ ئعلان كرد ك پارتهگهیان بانهگێشت نهكرياويد ئهرا كۆنگرهگهو ههميش ئعلان كرد ئهو كۆنگره ئهرا پهرتكردن و دويرهو خستن كوردهيل سوریاس له یهكترى.
وهلی لهڕووشنهوكردنيگ سهرۆكایهتی ههرێم كوردستان، قسهكهريگ وهناو سهرۆكايهتی ههرێم ئهو لێدوان PYD رهدهو ئهكا و ئويشێ ئهوان ئهرا كۆنگرهى ههولێر دهعوهت كرياوين، ههميش ئويشێ "قسه و بهیاننامهی (پهیهده) رێك ميننه قسه و لێدوانهیل دهوڵهت باخچهلی و دو شێواز جوور يهك و هاومهبهسن و له یهك دید و عهقڵییهتهو سهرچهوه گرتنه ئهرا دژایهتیكردن كورد".
يهش دهق ڕووشنهوكردنهگهس:
ئهوهگ رووشن و ئاشكراس ههرێم كوردستان جوور ئهركێگ نهتهوایهتی و ئهرا پتهوهوكردن یهكڕزی مللهت كورد له كوردستان سووریا، گشت ئاسانكارییگ پێشكهش كرد تا رهوهند كورد ئهو بهش كوردستانه بتويهنن له كهشێگ ئازاد تاوتوێ رهوش خوهیان بكهن، وهيخاتريشه بێجگه له رهوهند كورد سووریا له دهيشت وڵات، گشت هێز و لایهنه سیاسییهگانیش بانگهێشت كرياوين له ناویانیش پارت یهكيهتی دیموكرات (پهیهده)، ئهوهبوى له كووتایی خوهیان پاشگهزبوينهو، وهگهر نه وهرجله ئهوهگ پهشیمانهو بوون باس كۆنگره وهليانا كرياويد و بایهد بهشداربوياتان، وهلی له ئهنجام گشت دهعوهتكرياگهيل هاتن بيجگه له ئهوان، مهمهر ئامادهنهوينیانيش ها لای لای خوهیان و ئهرا خوهیان گلهو خوهێد، وهيخاتره ئعلانى كهيمن ك قسه و لێدوانهیل پارت ناوبرياگ گوایا بانگهێشت نهكريانه، هیچ راسییگ ئهرای نیه.
(پهیهده) بێجگه لهو بیانگيشه، لهی قوناغ ههسیاره ك كوردستان سووریا لهتی گوزهر ئهكا، ئهخوازێ ئهو قسهيل ناڕاس و بێ بنهما ئهرا ناو كومهڵگای كوردستانی دزه وهپی بكا ك گوایا كۆنگرهی ههولێر پهرتبوين و دووبهرهكی ئهخاده ناو رزهیل كورد، ئهی عوزريشه له قهباحهت گوزهيشتهی گهورا تره، چوينكه رای گشتی كوردستان ئاگاداره ك كۆنگرهی ههولێر ئهرا پتهوكردن ناو ماڵ و یهكڕزی و یهكههڵوێستی كورد بويه و بێجگه له رهوهند كورد و نويسهر و رووشنهویر و كهسایهتی سهروهخۆ و نوخبهی كورد سووریا وه گشتی له بیس و پهنج وڵات جههان، فرهتر ئهو حزب و لایهنهيل سیاسیيشه لهتی ئامادهبوين ك رۆَڵ له مهیدان سیاسی ديرن، بيلا مللهت كوردستانیش ئهو حوكمه بياد؛ تهفرهقه و دووبهرهكی له كوره و له چهی كۆنگرهی ههولێر وهدی ئهكريهێ، ئهو ههمكه وڵاتپارێزهيل قهدرداره بهشدار بوين، چوين له كۆنگرهیگ ئاماده بوون ك مهبهس لهلی نانهوهی تهفرهقه بوود!، كام مهنتق قبووڵ ئهوه ئهكا ئهو ههمكه مهدمه و ئهو ههمكه هێز سیاسییه چهوپووشی له ههنگاوێگ بكهن دووبهرهكی لهلێ بكهفێدهو، یا تهنيا لایهنێگ ك خوهی نهخواستگه ئاماده بوود، وه كامه مهنتق تهنیا خوهی وهپی پهسهنده و فرهتريشی وهلايهو تهفرهقهچییه!.
له كووتایی یهك چشت ئويشیمن، ئهویش ئهوهسه ك قسه و بهیاننامهی (پهیهده) رێك مينيده قسه و لێدوانهیل دهوڵهت باخچهلی و دو شێواز هاوشێوه و هاومهبهستن و له یهك دید و عهقڵییهتهو سهرچهوه گرتنه ئهرا دژایهتیكردن كورد، ئهو قسهيليانه ئهوقهره ئاشكرا و بێ پێچ و پهنا پهیام دژ وه كوردن، ك ههر ههوهجه وهشیيهوكردنيش نهيرن.
قسهكهرێگ وه ناو
سهرۆكایهتی ههرێم كوردستان
1-2-2012
| < پێشتر | دواتر > |
|---|
