شهفهق/ سهرچهوهيگ كورد له ههرێم كوردستان ئاشكرايهو كرد: فێشتر له سهد وڵات بهشدار له نهتهوهيل يهكگرتگ و
دو وڵاتيش له ئهنجوومهن ئاسايش ناونهتهوهيی ئاماده بوين خوهيان ئهرا وه رهسميهت ناسين دهوڵهت كوردی بهيان كردنه ك له گرنگترينيان وڵات بهريتانيا و بڕێگ له وڵاتهيل هاوسای عێراقن.
وه لهوهرچهو گرتن فرهوهبوين كوردهيل له ناوچهگه وهتايبهت له عێراق، سوريا، ئيران و توركيا ئهی وڵاتهيله وهل جيايهوهبوين كوردهيلا فره ناكووك و دژيين.
وهڕێهووهر سهنتهر ئسراييل – كورد(داوود باغستانی) له قسهيلێ لهی باوهته وه شهفهق نيوز وتگه: ههر ئيسه ١١٠ وڵات له رێگخرياگ نهتهوهيل يهكگرتگ و دو وڵاتيش له ئهنجوومهن باڵای ئاسايش نهتهوهيل يهكگرتگ ئاماده بوين خوهيان ئهرا وه رهسمی ناسين دهوڵهت كوردستان نيشان دانه. ههر چهن دو وڵات ترهكيش له ئهنجوومهن ئاسايش وهل ئهی مهسهلهيا هاوڕان، وهلی ههق دهنگداين له بانی نهيرن و لهی ناوهينه تهنيا يهك وڵات لهی مهسهله بێ لايهن مهنيه.
باغستانی ناو ئهی وڵاتهيله نهوهرد و له وهردهوامی قسهيلهگهی وهت: ئوميدوارم قهيران ئيسهی عێراق ههرچێ زويتر چارهسهر بكريهێد تا راگهياندن ئهی دهوڵهته بارودوخهگه خراوترهو نهكا، ئهرا يهيشه گشتمان چهوڕێيمن ك له عێراقێگ ههڵوژرياێ وه فێدراڵی بمينيمن.
سهرۆك ههرێم كوردستان(مهسعود بارزانی) له يانزهی سپتهمبهر ٢٠١٠ له كۆنگرهی پارتهگهی وهت: مهسهلهی ماف چارهنويس كوردهيل له ئهی كۆنگره خريهێده وهر باس، وهلی ئهی مهسهله وهل رفلكسهيلێگ له ناو ههرێم و بڕێگ وڵاتهيل تر ناوچهگه رويوهڕوی بوی.
بارزانی وهت: نهتهوهی كورديش ههر جوور ئهودويای نهتهوهيل تر ههق دهسنيشان كردن چارهنويس خوهيان ديرن و پارتهگهی ئيمه ها بان ئهو باوهڕه ك وهل راگهياندن ئهی مافه ئهرا رهسين وهپێ تهقالای فرهتريگ بكهيمن.
وهرێهووهر دهزگای ئسراييل – كورد وهت: تهنيا تويهنيم بويشيمن ك بهريتانيا گهوراترين پشتيوانه ئهرا راگهياندن دهوڵهت كوردی و چهن وڵاتيگ هاوساو هاوههرێم له ناوچهگهيش وهل ئهی مهسهلهيا هاوڕان.
باغستانی وهت: ئهگهر ئيدارهی وڵات ههر وهيجووره بمێنێد، رێيهيل چارهسهری فرهێگ لهوهرايوهر كوردهيل ههس سهرهڕای ئهوهگدهيان وڵات ئامادهيی خوهيان ئهرا وهرهسميهت ناسين دهوڵهت كوردی ئعلان كردنهو سهروهخوهی بوين كوردستان يهكێگ له گرنگرترين چارهسهرهيله.
باغستانی لهدريژهی قسهيلهگهێ ئويشێ: بايهد وه ئاشكرايی و رووشنی بويشم، گشت مهردم عێراق وهتايبهت كوردهيل وهل جياوهبوين و سهروهخوهييا نين و دووس ديرن له عێراقيگ يهكگرتگ بژيهن، وهلی ئهگهر ئيدارهی عێراق وهی شێوه بچووده ڕێهو، كوردهيل چارهسهريگ گرنگ تويهنن ههڵوژنن.
باغستانی زياتر ئويشێد: وه باوهڕم ئهگهر دهوڵهت عێراق ههر ئهی جووره و وهشێوهی حكوومهت ناوهندی و سانتراڵ ئيداره بكريهێد، فره چشت له دهس ئهيهن، ئهڵبهت ئيمه كوردهيليش ناخوازيم له وهرايوهری چشتێگ له دهس بيهيمن. مهسهلهی كورد ئيسه دی مهسهلهيگ ناوخوهيی نييه، بهڵكم مهسهلهی يهكمه له خوهرههڵات ناوڕاس و گهوراتر له مهسهلهی دهوڵهتيگه.
كارناسهيل هانه بان ئهی باوهڕه: ئيدارهی ئيسهی عێراق له لایهن حكوومهت ناوهندييهو وهل ئهولاخسن ودويرهو كردن كوردهيل، بێجگه لهوهگ بارودوخ خزمهتگوزاری و ئاسايشی گهنهو كريهێد، بويهسه هۆكاريگ ئهرا ئهوهگ كوردهيل بكهفنه هوير جياوهبوين له عێراق، وهلی لهی وهزهگ ئيسه عێراق دێرێد خاسترين چارهسهر، مهنين له عێراقێگ يهكگرتيه.
كوردهيل له ساڵ ١٩٤٦ زاينی دهسدانه دروس كردن و دامهزرانن كۆمار كوردستان له باكوور خوهرئاوای ئيران، ئهی كۆماره له لايهن يهكيهتی سۆڤيهت وهرين پشتيوانی لهلی ئهكريا، ههرچهن وه رهسميهت نهناسرياو تهمهن كوڵێگ داشت.
له دامهزرانن ئهی كۆماره، مهلا مستهفای بارزانی دهسمهيهت قازی مهحهمهد دا، وهلی وه فشار شای ئيران و ئهمريكا ك ئهوانيش فشار هاوردنه بان سۆڤيهت تا هێزهيل خوهی له ناو ئيران بكيشێدهو ئهی كۆماره كووتايی وهپیهات.
وهل دهرچين هێزهيل سۆڤيهت له ساڵ ١٩٤٧ زاينی، لهشوون يانزه مانگ كۆمار مههاباد له ناو چی و قازی محهمهد له مههاباد له سێداره دريا و مهلا مستهفای بارزانييش وهل هێزهيل خوهيا لهی ناچه دهرچين.
| < پێشتر | دواتر > |
|---|
