شهفهق/ زوورم چهودیرهیل مهترسى خوهیان نیشاندهن لهبهرزهوبوین كیشمهكیش سیاسى
وهگوورهى ئهو بڕیاره ك لهدادگاى عراقى دهرچى لهباوهت دهسگیركردن جیگر سهرۆك كوومار تارق هشمى وهگوورهى ماددهى 4 تیرۆریزم، ئهویش لهئهنجام دگان وهپیناین یا ئعترافكردن كهسهیلیگ له پاسهوانهیلى ك كارهسات كوشتن و تهقینهوه ئهنجام دانه. ههر لهوهر ئهوهیش هیزهیل ئاسایش ئیوارهى رووژ یهكشهممه لهتهیارهخانهى بهغدا، نواگیرى له باڵهوگرتن تهیارهگهى هاشمى و ههفت كهس تر له پاسهوانهیلى و لهناونیانیش زاواگهى كردن. ههر لهوهر ئهوهیش گوایا هاشمى وه سهبرهو چهوهڕى رهفتار ئاقڵانهى حكوومهت ئهكا لهى باوهتهو.
ئهنجا لهوهر ئهوهك مهترسى زیاتر ڕوى نهیهێدو لهوهر خاتر ئهو مهسهله، سهرۆك كوومار جهلال تاڵهبانى ههوڵ داواكردن گردهوبوین گشت لایهنهیل و هیزهیل سیاسى دا ك ریز و حورمهت دادگا بگرن و دهخاڵهت لهكاروبار و بڕیارهیلى نهكهن لهوهك دهرههق جیگرهگهى دهركریا، وهل ئهوهیشا سهرى سوڕمهند وه ئیفادهو قهوڵهیل بڕیگ له پاسهوانهیل هاشمى جیگرى و دهركردن ئهو مزهكرهى دهسگیركردن هاشمیه.
لهو بهیانه ك لهلایهن سهرۆكایهتى كوومارهو دهرچیهو نوسخهیگى رهسیهسه شهفهق نیوز، لهتى هاتگهو ئویشێد: لهسایهى ئهو رویداگهیل گورجه، جهلال تاڵهبانى سهرۆك كوومار هویر لهوه ئهكا چ كاریك بكا وهگوورهى وهرپرسیاریهتیه دهستووریهگهى له مهسهلهى دهسگیركردن پیاوهیل پاسهوان جیگر سهرۆك كوومار تارق هاشمى ك گشت عراقیهیل وهو كاره زانستن و ههر لهى باوهتهو باس له دهرچگن مزهكرهى دهسگیركردن تارق هاشمى و شمارهیگ تر له پاسهوانهیلى لهوهڕهیهوبردن نویسینگهگهى كریا وهبى ئهوهك راى سهرۆك وهربگرن یا پهیوهندى وهپیهو بكهن.
لهو بهیانه زیاتر دهركهفتگه، ك لهوهر مهترسى و هسدارى ئى جووره مهسهلهیگ ، سهرۆك كوومار پهیوهندیهیل گورجیگ كردهسه لایهنهیل جوراوجوور دادوهرى و پهرلهمانى و حكوومهت و حزبیهو، ك تهئكید لهبان ریزگرتن لهكاروبار و تایبهتمهندى دادگاى عراقى كردگه وه ئهوهك دهخاڵهت لهكاروبارى نهكریهێد و دهسكارى بڕیارهیلى نهكریهى.
له بهیانهگه زیاتر ئاشكرا بویه، ك تاڵهبانى تهئكیدیش لهوه كردگه ئهگهر وهسهبر و ئارامى و دویر له دهخاڵهت رهسانن یا ئعلامى رهفتار بكریهى و گشت كاریگ تیكهڵ نهود، گرنگترین پهیڕهوهو ریككهفتنه ئهرا دهرچگن لهى حاڵهتهو لهوانهیش ههق دادگاو ریڕهو پرس وپرسكارى و لهههمان وهخت مقهیهتى له سهقامگیرى سیاسییش كریهیگ لهى بار سهخت ئیسهى وڵاته.
ههمیش لهبانهگه ئشارهت وه ئهوهیش كریاگه، ك سهرۆك كوومار رووژ دوشهممه ئى مهسهله چشت لهناكاویگ بوى لهلاى ك شمارهیگ له پاسهوانهیل جیگرهگهى ئهو كردهوهیله ئاشكرا كردن ك ئهنجامى دانهو ئهو مزهكهرهى دادگا ك دهرههق وه دهسگیركردن تارق هاشمى دهرچى.
بیجگه ئهوهیش زیاتر لهو بهیانه دهركهفتگه، ك سهرۆك كوومار وهگوورهى وهرپرسیاریهتى دهستوورى و نیشتمانى خوهى تهئكید لهبان گشت لایهنهیل كردگه ك نرخ هسكردن وه وهرپرسیاریهتى خوهیان بزانن و نهكهفن وهل تهسریحهیلیگ دژ دهسڵات دادوهرى و لهههمان وهختیش كهش وههواى گونجیاگیگ بگرنهوهر ئهرا كار سیاسى ئارام و سهقامگیریگ ك وهجووریگ نهیلێد وڵات و پرووسهى سیاسیهگهى بكهفێده وهر زهرهد لهى وهختهیل سهخته.
ههر لهى باوهتیشه رووژ دوشهممه لیست عراقیه ئاشكراى بهشدارینهكردن نوێنهرهیلى كرد له حكوومهت ك نورى مالكى سهرۆكایهتى ئهكا، ئى بڕیاریشه دویاى دو رووژ له داوڕیانى له دانیشتنهیلى پهرلهمان دریاو تهئكید لهوهیش كریاگه ك وهزیرهیلى دهس لهكاركیشاننهوهى خوهیان خستنهسه ژیر رهفتار سهركردهیلیان.
ههر لهبان ئهو كردهوهیشه ئئتلاف دهوڵهت یاسا ههڕهشهى دامهزرانن حكوومهت زوورمینه ئهكاو لهههمان وهخت تهئكید لهوهیش كردگه ك خودكیشاننهوهى لیست عراقیه ك پهیوهس بویه كیشهى هاشمهى هویچ كاریگهرییگ نیهنهێده بان كار حكوومهت.
بهتول فاروق نوێنهر لهبان ئئتلاف دهوڵهت یاسا له گفتوگوویگ ئهرا شهفهق نیوز وتگه: خودكیشاننهوهى لیست عراقیه له حكوومهت هویچ كاریگ ناكاده بان حكوومهت و پرووسهى سیاسى، ك ههرچهنى ئیسه كهمیگ كاریگهرى باشتوود، وهلى ئهو بۆشایى یا فراغه ك هیلیگهى جى پڕهو كریهێد.
لهجهم 31 وهزیر حكوومهتیش ههیشت وهزیر لهلیست عراقیه پۆست وهرگرتنه لهوزارهتهیل حكوومهت ك ناو حكوومهت هاوبهش نیشتماى ئهڵگرتگهو پیكهاتگه له زوورم فراكسیۆنهیل سیاسى لهوانهك كورسى نوێنهرایهتى لهى ههڵوژاردنهیل دویاخره هاوردنه دهس.
ههر لهى باوهتهو نوجێفى داواى دامهزرانن لژنهیگ هاوبهش كردگه لهگشت فراكسیۆنهیل سیاسى ئهرا چهودیریكردن قوناغهیل پرس وپرسكارى و پشتگیرى خوهى نیشانداگه ئهرا ئهنجامداین گۆنگرهیگ نیشتمانى لهوهختیگ ك پرووسهى سیاسى تویش جویلهى تون وتیژى و مهترسى باید.
بیجگه ئهوهیش سهرۆك ههرێم كوردستان مهسعود بارزانى رووژ دوشهممه داواى سازكردن كۆنگرهیگ نیشتمانى ههڵهپهڵه كرد لهوهر تویش نههاتن پرووسهى سیاسى و زهرهد نهكردن وڵات و تهئكید لهوهیش كردگه ئهوهك له تهیاره خانهى بهغدا وهجیگر سهرۆك كوومار رویداگه چشت ناپهسهنیگ بویه.
| < پێشتر | دواتر > |
|---|
