شهفهق/ وهل نزیكهوبوین وادهى رهسین بودجهى ساڵ 2012 ئهرا ئهنجوومهن نوێنهرهیل لهوهر
پشتڕاسكردنهوه یا تهسدیقكردن لهبانى دویاى پیشنیارو شیهوكردن ك بڕیاردهرهیل پیشكهشى كردن، ڕاى ليژنهیل پهیوهندیدار لهباوهت دویا نوسخه ئاشكرا بوى، لهوهختى ك ليژنهى ئابوورى و سهرمایهگوزارى نوێنهرایهتى مهرجهیلى لهباوهت حكوومهتهو خستهڕوى وه ئهوهك دویا كارهیل هساوكارى ساڵهیل وهرینى جیوهجى بكاو پشتڕاس بكریهى، ليژنهى دارایى ئاشكراى كرد ك حكوومهت هساو كووتایى سێ ساڵ گوزهیشت ئاماده كردگه. لهههمان وهخت وزارهت دارایى تهئكید لهبان ئهوه كرد ك مهسهلهى خهمسهردى بووده هووكار نزمهوكردن له بودجه ئهرا پهنج تریلیۆن دینار عراقى له جهم 14 تریلیۆن.
لهسهرهتاى ئى مانگه ليژنهى دارایى نوێنهرایهتى ئاشكراى تهواوبوین بودجهى ساڵ 2012 كرد وه ئهوهك تویهنستگه باوهڕ وه سهندووق نهختینهى ناودهوڵهتى بكا وه دانهگرتن بڕهیل دانریاگ ئهرا یرووژهیل خزمهتگوزارى و پهرهسهندن ههرێم.
مهحما خهلیل ئهندام ليژنهى ئابوورى و سهرمایهگوزارى له گفتوگوویگ ئهرا شهفهق نیوز وتگه: ئهنجوومهن نوێنهرهیل داواى تهسدیق نهكردن بودجهى ساڵ 2012 ئهكا لهحاڵهتیگ ئهگهر حكوومهت هساوهیل كووتایى ساڵهیل وهرین خوهى پیشكهش نهكا.
خلیل ئشارهت وهئهوهیش كردگه ك یهك بهرمیل نهفت له 100دولار زیاتره لهئاكام ئهو رویداگ و ئاڵشتكاریهیل سیاسى و ئابوورى و ئاسایشییه ك ناوچهگهو گشت جههان دیهسهى خوهى، یهیش جیاوازییگه لهوهك حكوومهت پهیڕهوى كردگه لهنرخ بهرمیلیگ نهفت ك گوایا رهسیهسه 85 دولار.
ئهندام ليژنهى ئابوورى ئاشكراى ئهوه كردگه، ئهو نسبهى بهرههمه ك حكوومهت ئهرا بهرههم نهفتى دهسنیشانى كردگه رهسیهسه دو ملیۆن و شهسهد ههزار بهرمیل، ك یهیش ئهو نسبهى خواسته نیهو لهى لایهنهو وزارهت نهفت وهشكهست تاریف كردگه لهڕوى ههوهجهى وڵات ئهرا بهرههم نهفتى.
زویتریش ئوسامه نوجێفى سهرۆك ئهنجوومهن نوێنهرهیل، داواى ههڵهپهڵهكردن له ئهنجامداین بودجهى ساڵ 2012 كرد.
لهناوڕاس مانگ گوزهیشتهیش نورى مالكى سهرۆك وهزیرهیل، ئاشكرا ئهوه كرد ك بودجهى دارایى ساڵ 2012 وهى نزیكهیله ههواڵهى ئهنجوومهن نوێنهرهیل كریهێد.
لهلایهن خوهیهو، ئهحمهد مهسارى بریاردهر ليژنهى دارایى لهگفتوگوویگ ئهرا شهفهق نیوز وتگه: هساوهیل كووتایى ساڵهیل 2009و2010 ئامادهس لهلاى حكوومهت و لهشوون پشتڕاسكردنهوه یا تهسدیقكردن لهلایهن ئهنجوومهن وهزیرهیل رهسێده ئهنجوومهن نوێنهرهیل. وهل ئهوهیشا وتگه: هساوهیل ساڵ 2011 كومیگ دویاكهفێد تا وهختى تهواو كریهێد.
ههفتهى گوزهیشتهیش حهیدهر عبادى سهرۆك ليژنهى دارایى لهكۆنگرهیگ رووژنامهگهرى ك لهناو ماڵ پهرلهمان ساز كریا تهئكید لهبان بودجهى 2012 كرد وه ئهوهك ههفتهى ئاینده رهسێده ئهنجوومهن نوێنهرهیل لهشوون داگرتن نسبهیگ لهلایهن وزارهت دارایى لهتى و داناین 85 دۆلار ئهرا یهك بهرمیل نهفت.
مهسارى تهكید لهبان خواست ههڵهپهڵهكردن له تهسدیقكردن بوجهى 2012 كردگه جویر جیوهجیكردن داواكاریهیل گرنگ لهوڵات و لهوانهیش مهسهلهى پهرهداین وه ههرێم و پاریزگایهیل.
وزارهت نهخشهكیشانیش له ئهیلوول گوزهیشت ئاشكراى ئهوه كرد ك بودجهى دارایى ساڵ ئاینده ها لهناونى 112و120ملیار دۆلار، وهل داناین 35%لهلى ئهرا بودجهى سهرمایهگوزارى.
رافع عیساوى وهزیر دارایى، ئهویش لهلایهن خوهیهو لهتهسریحیگ ك رهسیهسه شهفهق نیوز وتگه: مهسهلهى بودجه له 14 تریلیۆن دینار(12 ملیار دۆلار)هو داوهزێد ئهرا پهنج تریلیۆن دینار عراقى(4 ملیار دۆلار)ك ئهویش لهنزیك كووتایى 2014.
عیساوى زیاتر وتگه: بودجهى پیشبینیكریاى ساڵ 2012 ك بڕ 100 ملیار دۆلارهو تائیسه چهوهڕى ئهوه ئهكا رهزامهنى لهبانى بدریهى، مهندهسه بان پیشبینى وهگهشهكردن 5% لهدهرئهنجام ناوچهیى گشتى و بهرزهوبوین ئاست ئهو شماره وهگوورهى ساڵ.
لهههمان وهخت ئشارهت وه ئهوهیش كریهى ك نرخ دانریاى ئهرا یهك بهرمیل له بودجهى ساڵ 2012 ههیشتاو پهنج دۆلارهو كلكریاى نهفتیش 2،625ملیۆن بهرمیل رووژانهس.
| < پێشتر | دواتر > |
|---|
