شهفهق/ خیزانیگ هندى تهئكید لهوه كردن ك چهوهڕى تهسریح حكوومهت وڵاتهگهیانن تا گهشتیگ ئهرا عراق
بكهن لهوهر خاتر وهخاك سپاردن تهرم ژن دویا فهرمانڕهواى رامبور میرنشینى وهرین لهكهربهلا لهبان وهسیهت خوهى.
بیگومان ئى داواكاریه لهزویهو بویه، وهلى حكوومهتهیل عراقى ههر وهى جووره هیشتنهسهى تائیسهو هویچ جواویگ لهو داواكاریه نهیانهسهو، یهیش لهوهختیگ ك تهرم ئى شاژنه ههر لهساڵ 1993 تائیسه وهمومیایى مهندگه.
دادوهر ناوچهى بالكار سینغ لهتهسریحیگ ك نوسخهیگى كهفتهسه دهس"شهفهق نیوز" وتگه: ئدارهى ولایهت ناوچهیى(الحكومه المحلیه) نامهیگ لهقونسوڵخانهى عراقى وهپى رهسیه وه بوونهى ئهوهك حكوومهت عراق رازى بویه لهوهك تهرم شاژن"سهكینه ئوز زهمانى" بارنه عراق و لهكهربهلا لهبان وهسیهت خوهى وهرجه ئهوهك بمریگ نویساسهى، بسپارنهى خاك، لهههمان وهخت دهسڵات ولایهتهگهى خوهیشى ناڕهزایى نیشان نیهیگ لهبان كلكردن تهرمهگه.
تهرم شاژن زهمانى 18 ساڵ مهندگهو چهوهڕى ئهوه كریاس لهكهربهلا بنریهیگه خاك، ك لهڕى مومیاییكردن یا تهحنیتهو مقهیهتى لهلى كریاگه لهڕى وهكارهاوردن دار سهندهڵ و كافوور و ڕوین و گژوگیاى بوودار و خهنیه، ك دویاخر خریاسه ناو تابووت و وهزهنجیر كریاسه دارا وهبهرزى دو قهدهم لهناو ماڵ خیزانهگهى خوهى" كهوسى خاس باغ" له رامبور وه دریژایى ئهو ساڵهیله.
وهرجه هاتن بریتانیهیل، ئهوه بوى ك نوێنهرهیل حوكم رامبور كردیان، شاژن سهكینه ئۆز زهمانى ژن دویا فهرمانڕهوا"مرتهزا عهلى" لهساڵ 1993 گیان لهدهسداو ئاخرین ئارهزوو ئى شاژنه ئهوه بویه ك لهوهسیهتهگهى هاتگه، لهشار كهربهلاى عراق لهشان پیاوهگهى وهخاك بسپاریهیگ.
لهلایگ ترهو مهنسوورخان ك یهكیگه لهكهس وكارهیل نزیك ئهو خیزان پاشایهتیه، وتگه: وهگوورهى ئارهزوو كووچكردگ، تواسیم تهرمهگهى لهشار كهربهلا بنهیمنه خاك، وهلى حكوومهتهیل یهك لهشوون یهك عراقى ئهو داواكاریه ههر وهو جوورهو هیشتن و ئهو تهرمیشه ئهرا ماوهى 18ساڵ وه مومیایى مهندو مقهیهتى لهلى كریا.
وهگوورهى سهرچهوهیگ ئاگادار لهناو خود ئهو خیزانه ئهوه ئاشكرا كریاس ك كوڕ و دویهتهگهى شاژن كووچگردگ ئاماده نین تهرم داڵگیان جیواز بكهن ئهرا عراق، ك ئهویش وهبوونهى كیشهى پاسهپۆرت و گرفت حكوومهت، ئنجا لهیوا دیاره لهوهر خهرج جیوازكردن ئهو تهرمه هویچكام لهڕوڵهیلى ئاماده نین ئهو خهرجه بگرنه مل.
وهل ئهوهیشا ئشارهت وهئهوهیش كریهیگ ك تهرم شمارهیگ تر لهخیزانهیل پاشایهتى لهرامبور هیمان تائیسه وجوود دیریگ ك وهخت خوهى فهرمانڕهواو دهسڵاتدار بوینهو سهر وه هووزهیل روهیلاى ئهفغانیین ك سهردهمیگ گهوراترین كوومهڵگایهیل له "پشتون" هند دامهزرانن و لهوانهیش هاوسهرهگهى سهكینه زهمانى ك تهرمهگهى جیواز كریا ئهرا كهربهلا تالهورا وهخاك بسپاریهیگ.
ئهو خیزان پاشایهتى رامبوره، مردگخانهیگ لهكهربهلا دیرن ك موڵك خوهیانهو لهوهختیگ مرتهزا عهلى مرد لهساڵ 1966 رینمایى لهشوون خوهى هیشتهجى ك لهكهربهلا بنریهیگه خاك، ئنجا ئهنجامداین وهخاك سپاردن ئهویش دو ساڵ دریژه كیشا تا ههردوگ حكوومهت ئهوساى عراقى و هندى رهزامهنى نیشاندان لهبان وهخاك سپاردنى لهكهربهلا.
بیجگه ئهویش، تهرم شاژنیگ تر لهو خیزانه ك ناوى ئفتخار فاتمه بوى و لهساڵ 1968 مرد لهشار لاكناو هندى، ئهرا ماوهى 20 ساڵ تهرمهگهى مهند وهرجه ئهوهك لهشار كهربهلا وهرجه چهن ساڵیگ وهخاك بسپاریهیگ.
تهرم ئى شاژنیشه لهناو غورفهیگ لهمردگخانهى پاشایهتى جاهان كابریستان(تایبهت وه شاژنه جاهان)مقهیهتى لهلى كریاو چهوهڕى دویا گهشت خوهى كرد ئهرا كهربهلا، ئنجا وهختیگ كوڕهگهى فاتمه(مهولانا حهمید ئهلحهسهن)قهوڵ جیوهجیكردن دویا ئارهزوو دایگى دا لهساڵ 1986، نهزانست وهجیهاوردن ئهو قهوڵه بووده ئهرك سهختیگ ئهڕاى لهجیوازكردن تهرمهگهى.
مهولانا حهمید ئهلحهسهن ئویشیگ: كردهویگ باو یا تهقلید ههس لهناو خیزان داڵگى، ك ئهویش ئهوهسه تهرم مردگهیلیان لهشار كهربهلاو نهجهف وهخاك بسپاریهیگ و ئویشیگ: دایگم وهرجه ئهوه بمریگ وهسیهت كردگه تهرمهگهى جیواز بكریهیگ ئهرا شار كهربهلاو لهورا وهخاك بسپاریهیگ.
ههر لهى باوهتهو لهوهرجه ئهویش دایگ وباوگیشى وهههمان شیوه وهسیهت كردنهو تهرمهیلیان بوریهیگه عراق و لهورا بنریهیگه خاك، چوینكه كهسهیلیگ ههن بهخت نهیرن و دویاخریش ههرچهنى وهسیهت كردنه تهرمیان جیواز بكریهیگ وهلى ئهو ئارهزووهیلیانا جیوهجى نیهكریهى.
| < پێشتر | دواتر > |
|---|
