شهفهق/ دویهكه شهممه، سكرتێر سهندیكاى رووژنامهنویسى كوردستان لق بهغدا، داوا لهسهندیكاى ههرێم كرد
خوهندنهوهى نوویگ بكا لهباوهت بار لقهگهى له پایتهخت و تهئكید لهوه كرد ك 20% ئهندام لقه سهرهكیهگه كهفتنهسه دهیشت ههرێم.
عهلى حسێن فهیلى، له وتاریگ لهو كۆنگره ك لایهن سهندیكاى رووژنامهنویسى كوردستان لق بهغدا ساز كریا لهژیر ناونیشان(سهندیكاى رووژنامهنویسى كوردستان لهناونى ههڵكهفت و ئارهزووهیل لق بهغدا جویر نموونه)و" شهفهق نیوز" راپۆرتهگهى ئاماده كرد، وت: یهكیگ لهگهوراترین كیشهو گرفتهیل ك تیهیگه تویش سهندیكاى رووژنامهنویسى كوردستان لق بهغدا، ئهوهسه ك ههمیشه خوهى له دامهزریاگ دهسهى وهڕیهوبردن و ئهندامهیلى دوینیگهو، ك مهحاڵه لهسایهى ئیجووره حاڵهتیگ كار بكهیم.
فهیلى زیاتر وت: سهندیكاى رووژنامهنویسى كوردستان لق بهغدائامادیى وهرچهویگ دیریگ له پایتهخت وهگوورهى ئهو كۆنگرهو چالاكیهیله ك لهى دویاخره ئهنجام دریا، لهههمان وهخت ئشارهت وه ئهوهیش كرد، ك 20% ئهندامهیل سهندیكاى رووژنامهنویسى كوردستان لهدهیشت ههرێم كوردستانن، ك تائیسهیش هویچ ههقیگ له لق سهرهكى وهرنهگرتنه.
فهیلى داوا له سهندیكاى رووژنامهنویسى كوردستان كرد خوهندنهوهى تازهیگ بكا ئهرا بار لقهگهى لهبهغدا، ئهویش وهگوورهى رهسینهوهى لهو وهزعه ك تیهیگه تویشمان له بهغداو لهههمان وهخت ههوهجهیلى دابین بكا.
لهوهیش زیاتر ئاشكراى كرد، ك لهحاڵهتیگ ئهگهر هات و لق سهرهكى تواناى چارهسهر ئهو كیشهیله بكا ك تیهیگه تویشمان، ئهوه داواى دامهزرانن رابتهیگ رووژنامهنویسى لهلى كهیم ئهرا كوردهیل دهیشت ههرێم.
ههر لهى باوهتهو، سهندیكاى رووژنامهنویسى كوردستان لق بهغدا، ئاشكراى كلكردن شاندیگ له ئهندامهیلى كرد ئهرا ههرێم ئهرا گردهوبوین وهل لق سهرهكى و باسكردن ئهو كیشهو گرفتهیله ك تیهیگه تویشیان و لهههمان وهخت ههوڵ داواكارى ئهرا دهسكهفتن ههقهیلیان جویر باقى رووژنامهنویسهیل هاوشیوهیان لهناو ههرێم.
بیجگه ئهوهیش كۆنگرهگه بڕیگ پرس وڕاى ئهندامهیل سهندیكاى رووژنامهنویسى كوردستان لق بهغدا گرته خوهى و داواى ئهوه كریا دیدهیلیان بكهنه یهكیگ وهرهو كاراكردن كار سهندیكایى لهناوخود لقهگهو تهئكیدكردن لهبان داواكارى ههقهیل. وهل ئهوهیشا ئشارهت وه نهخش یا دهور دهزگاى رووشنهویرى و رهسانن كوردهیل فهیلى شهفهق كریاو تهئكید له ههوهجهیل كورد دهیشت ههرێم كریا لهو ههوڵ و تهقلایهیله ئهرا مقهیهتیكردن لهبان كلتووریان.
شایهن باسه، سهندیكاى رووژنامهنویسى كوردستان لق بهغدا، لهشوون سازكردن كۆنگرهى ساڵیاد دامهزرانن سهندیكاى رووژنامهنویسى كوردستان ساڵ 2005 هات، وهل ئهوهیشا لقهگه كۆنگرهى ساڵیاد دامهزرانن خوهى لهوههار ههمان ساڵ ساز كرد وه بهشدارى گشت رووژنامهنویسهیل كوردستانى لهوانهك له هووكارهیل رهسانن كار كهن لهبهغدا
| < پێشتر | دواتر > |
|---|
