شهفهق/ وهرپرسهیل عراقى و ناونهتهوهیى له ئاههنگیگ رووژ جههانى ئهرا دیموكراسى دهرفهتیگ كردنه دى ئهرا
وهدیكردن و دهرخستن مهسهلهى كیشهو نمایشكردن ناوجیگهرى ئهرا چارهسهر ناكووكیهیل سیاسى، ئهیهی بیجگه نمایشكردن داواكاریهیل كویهن و تازهو مهسهلهى بهشدارى ژن له دروسكردن بڕیار.
سهرۆك ئهنجوومهن وهزیرهیل جهخت لهبان خواست جیاكردنهوهى ناونى دهسڵاتهیل بڕیارداناین و جى وهجیكار و دادوهرى كرد لهوڵات، لهههمان وهخت ئومید خوهى نیشاندا وه هاتنهوهى بهغدا ئهرا مهشقكردن نهخش یا دهور ژیارى یا حزارى و ئنسانى خوهى لهشوون نهوین سهدهیل دریژیگ.
نوجێفى لهوتاریگ وه بوونهى(رووژ جههانى ئهرا دیموراسى)ك "شهفهق" ئامادهى كردو لهبهغدا ساز كریا، ئوشیگ: " كار خواستیگه كار لهبان بنیاتناین دهوڵهت بكریهیگ ك دهزگایل قانوونى و دیموكراتیهگهى گشت جووره جیاوازى و ستهم و زوڵم و زووریگ رهتهو بكاو ئازادى سیاسى و ئابوورى و كوومهڵایهتى و كهسهیایهتى لهلى بكهفیگهو بهرقهرار بكریهیگ.
ئشارهت وه ئهوه كریهیگ ك" ئاههنگ رووژ جههانى دیموكراسى گوزارشیگه لهبان شانازیكردن وه سهركهفتنهیله ك مللهتهیل هاوردنهسهى دهس لهمهیدان گوزارشكردن لهبان ئازادى ڕادهرخستن و بهشداریكردن لهبنیاتناین ئهو كوومهڵگایهیله ك لهبان دادگهرى و یهكسانى دروس دامهزریانه.
شایهن باسه، ك رووژ جههانى ئهرا دیموكراسى، له( 8 نۆڤهمبهر / تهشرین دویهم)ساڵ 2007 لهلایهن كوومهڵهى گشتى نهتهوهیل یهكگرتگ بڕیارى دریا، ك رییكهفت ئى تاریخیشه كهفیگه 15ى ئهیلوول گشا ساڵیگ تا ئاههنگ وه بوونهیهو ساز بكریهیگ.
نوجێفى جهخت لهوهیش كرد ك" ئهزموونهیل ئسپات ئهوه كردنه ك تهنیا ریگهیگ ئهرا بنیاتناین كوومهڵگایهیل راسكانى و خاسیگ وهو جووره ك ئادهمیزاد لهژیانى بڕهسیگه ههقهیلى مهگهر تهنیا وه مهشقكردن دیموكراسى و ئازادى ڕادهرخستن بایگه وجوود. لهههمان وهخت تهئكید له گرنگى رووح مهشق دیموكراسى كرد لهناونى گشت كهرتهیل مللهت.
وهل ئهوهیشا ئشارهت وه ئهوهیش كریهیگ ك دیموكراسى لهعراق هیمان تازهسهو عومرى زیاتر نیه له ههیشت ساڵ، ك ئى ساڵهیلیشه قهیریگ كیشهو گرفت و بار سهخت ئاسایشى و كیشمهكیش ناوخوهیى وهخوهیهو دیه، بیجگه ئهوهیش ساڵهیلیگه چهنهها ههڵوژاردنهیل و دامهزرانن حزب و قهوارهكارى جوراوجوو لهتى ئهنجام دریاگه، ك ژیان دیموكراسى وهگشتى لهى چشتهیله خوهى دوینیگهو.
نهتهوهیل یهكگرتگیش لهلایهن خوهیهو ئى دهرفهت ئاههنگسازیه هاورده كار ئهرا ئاشكراكردن ئامادهیى خوهى ئهرا ئاسانهوكردن گفتوگوو سیاسى و پشكهشكردن پشتگیرى هونهرى و ئهڕاى چوین لهوهر خاتر ههوڵ و تهقلا ئهرا چهسپانن مهشقهیل دیموكراسى لهعراق.
جیگر نوێنهر تایبهت ئهكیندار گشتى نهتهوهیل یهكگرتگ ئهرا كاروبار سیاسى"جیرزى سكوراتوفیتش" جهخت لهبان وهردهوامى ریكخریاگ ناودهوڵهتى كرد ك "وهردهوامه ئهرا پیشكهشكردن فكرهو شارهزایى و ئهزموون لهوهر خاتر خاسترهوكردن دهزگاو مهشقهیل دیموكراسى" وهل ئاشكرا كردن ئهوهك شارهزایى نهتهوهیل یهكگرتگ تواناى ئهوه دیریگ خوهى بخهیگه ناو ئهو قانجاز كارهیله ك كاروان پرووسهى سیاسى وه خوهیهو دوینیگهى وهرهو بنیاتناین دهوڵهت دیموكراسى.
جیگر سهرۆك ئهنجامدهر كارهیل و كلكریاگ نهتهوهیل یهكگرتگ تهئكید لهبان یارمهتیداین عراق كرد وه ئهوهك( ئهو ئهرك و وهپرسیاریهتیه ك كهفتهسه بان حكوومهت و ئهنجوومهن نوێنهرهیل فره ئاسانهو مهحاڵ نیه ئهگهر بایگ و عراقیهیل بتویهنن زاڵ بوونه بان ئهو كیشهو گرفتهیله ك تیهیگه تویشیان و بتویهنن وه یهكهو ههوڵ و تهقلا بیهن له پرووسهیگ واز و گشتگیر و نازگ لهباوهت بهرنامهیگ یهكگرتگ ك پیشینه یا ئهولهویه دهیگه جیوهجیكردن بهرژهوهندى وڵات و مللهت.
تهسریح كلكریاگ نهتهوهیل یهكگرتگ ئهرا یارمهتى عراق لهوهختیگه ك كیشمهكیش سیاسى رویدهیگ لهبان ئهو ناكووكیهیله لهناونى قهوارهیل بهشدار له حكوومهت لهباوهت بڕیگ مهسهله ك جیاوازى لهلى كهفتهسهو.
وهل ئهوهیشا ئبتهال زهیدى وهزیر دهوڵهت ئهرا كاروبار ژنهیلیش جهخت لهوه كرد ك جموجویلیگ سیاسى رویداو لهمهیدان عراقى ئیسهیش ههر رویدهیگ وهگوورهى دامهزرانن حزبهیل و ئازادى ڕادهرخستن و گوزارش و رهسانن یا ئعلام.
ئنجا زهیدى هوشیارى دا ئهرا" چگن ژن وهناو جههان سیاسهت له گهوراترین دهروازهیلى و بهشداریكردنى له حكوومهت و پهرلهمان، ئهیه بیجگه گهردین وهردهوامى لهوهر خاتر نههیشتن گشت ئهو جووره جیاوازیهیلهك بوونه گرفت لهوهردهم پیشكهفتن و پهرهسهندن ههڵكهفت یا واقع ژن.
| < پێشتر | دواتر > |
|---|
