شهفهق/ دیاره ك پهرهسهندن و مهسهلهى تهكنۆلۆجیا، كیشهو گرفتهیل فرهیگ لهشوون خوهى هیلیگهجى، ههر
لهحاڵهت تهڵاقداین بگر تا ڕهسیگه كیشهیل كومهڵایهتى و كهسهیلیگ لهیوا دوینن ك پهیوهندیهیل كومهڵایهتى وهسهبهب ئى تهكنۆلۆجیا ڕوى له نهمهندن كردگه.
ئهحمهد ناجى كابرایگ خانهنشین(تقاعد)هو لهى باوهتهو ئویشیگ: پهیوهندیهیل ئنسانى و لهوهرچهوگرتنى كاریگهرى دیرى لهبان دهروین ئادهمیزاد، بهڵكوو تواناى ئاڵشتكردن له مهژگیش دیرى.
ئنجا وهگوورهى لهیهكهوداین و بهحسیگ ئهمریكى، پهیوهندیهیل ئنسانى جویر ئهوهك ئشارهت وهپى كردیم ئهو كاریگهریه دیریگ و لهههمان وهخت وهرپرسه لهبان هسهیل كومهڵایهتى و نوڕستن و هویر و هامشووكردن كومهڵایهتى.
ناجى ئویشیگ: لهوه ڕخم چوود ك وهگوورهى ئى دراسهته عراقیهیل لهوزهى مهژگیان لهدهس بیهن . لهلایگ ترهو كهریمه محهمهد ك كارمهندیگه ئویشیگ: موبایل خزمهتیگ رهسانه ئنسانیهت و ژیانى ئاسانهو كردو زیاتر بهختهوهرى كرد، وهلى ئى خزمهتیشه لهههمان وهخت داب ونهریتهیل فرهیگ له كیسماندا وهتایبهت پهیوهندیهیل كومهڵایهتى ناونى ئادهمیزادهیل.
لهلاى خوهیهو یوسف ئسماعیل ك خوندكاریگ زانكۆ یا جامعیه، لهباسكردنیگ ئهرا شهفهق، خراویهیل حاڵهت وهكارهاوردن مۆبایل لهكومهڵگا باسكرد و لهباوهڕ خوهیهو خاسیهیلى زیاتر وهسف كرد لهى تهكنۆلۆجى سهردهمهو ئویشیگ: زیاتر له مۆبایلیگ دیرم و پهیوهندیهیلم زیاتر پهیوهندى سووزداریهو لهیوا دوینم ئى هوكار جورئهت فرهیگ دهیگه پیم قسه وهل خوهشهویسهگهما بكهم زیاتر لهوهك چهوم وهپى بكهفیگ ، ئنجا ئایا ئهیه كار خاسیگ نیه؟
عهبیر مورتهزا، ك یهیش كارمهندیگه، لهباسكردنیگ ئهرا شهفهق ئویشیگ: عراقیهیل فره بیبهش بوینه لهى هوكار تهكنۆلۆژیه، ك ههر یهكیگ و دو مۆبایل دیریگ و یهیش لهیوا كردگه شمارهى خهتهیل بڕهسیگه شمارهى مهردم عراق. وهل ئهوهیشا عهبیر باس لهمهسهلهى كاریگهرى لهبان پهیوهندیهیل كومهڵایهتى ئهكاو ئویشیگ ئى پهیوهندیه وهرهو نهمهندن گام نهیگ وهسهبهب تهكنۆلۆژیاى تازهو خهریكبوین شمارهى فرهیگ لهمهردم وهپیهو.
وهگوورهى ئاخرین ئامار وزارهت پهیوهندیهیلیش، شمارهى وهكاربهرهیل مۆبایل لهعراق رهسیهسه نزیكهى 23 ملیۆن كهس.
لهلایهن خوهیهو مامۆستاى زانست كومهڵایهتى له زانكۆ یا جامعهى بهغدا كامل مرایاتى ئویشیگ: مۆبایل پشتگیریه ئهرا پهیوهندیهیل كومهڵایهتى، وهلى وهشیوهیگ ژیارى یا حزارى پیشكهفتگ.
وهگوورهى بهحس و لهیهكهوداین، ئهوه دهركهفتگه ك سێ لهبان یهك ئهمریكیهیل مۆبایل وه خاستر له دیدار و چهو وهپیكهفتن زانن ئهرا مهسهلهى سووزدارى و لهوانهیش 22 % لهبهشداربویهیل مهسهلهى پهیوهندى سووزداریهو ههر لهوهر ئهوهیش مۆبایل تیهرنه كار تا وهل خوهشهویسهیلیانا قسه بكهن.
| < پێشتر | دواتر > |
|---|
