شهفهق/ سهرۆك ئهنجوومهن شارهوانى لهناحیهى مهنهلى، ئهوه دهرخست، ك دهسهى داواكارى موڵكى، 10
داواكارى وهموڵككردن زهویهیل كشتوكاڵى یهكلاوه كردگه ك رژیم وهرین زهفتیان كرویگ لهجهم زیاتر له(500)پارچه زهوى لهبهرژهوهندى وزارهت دارایى. لهههمان وهخت ئویشیگ: ئهو جفتیارهیله تویهنن قهرد كشتوكاڵى وهربگرن وه دهیهها ملیۆن دینار، یهیش لهوهختیگ ك دهسه یا لوجنهى ماددهى 140 ههڵسیگ وه دابهشكردن ههزاران چهك قهرهبووكردن لهبان خیزانهیل كووچ وهپیكریاگ قهزاى خانهقى و مهنهلى.
ئازاد حهمید شهفى لهگفتوگوویگ وهل(شهفهق)ئویشیگ: دهسهى داواكارى موڵكدارى له دیاله 10 داواكارى لهناونى زیاتر له 500 داوا یهكلاوه كردگه ئهرا هاوردنهوهى زهویهیل زهفتكریاگ كشتوكاڵى ك موڵك جفتیارهیل كوردهو لهساڵ 1975 كووچ زوورهملى وهپیان كریا ئهرا ناوچهیل ناوڕاس و باشوور عراق دویاى شكهست شووڕش كوردى و ریككهفتننامهى جهزایر لهناونى رژیم وهرین و شاى ئیران.
شهفى زیاتر ئویشیگ : دهسهى ناوبریاگ دو لق واز كردگه لهدیاله ئهرا ههڵهپهڵهكردن وهڕیخستن كاروبار هاووڵاتیهیل، ك یهیش ماناى ئهوهسه گام جددى نریهیگ له مهسهلهگهو پیشبینى ئهوهیش كریهیگ وهل كووتاییهاتن 2011 گشت موعاملهیگ تهواو بكریهیگ.
شهفى باس لهوهیش كرد، ك هاووڵاتیهیل تویهنن داواكارى پیشكهش بكهنه لق كشتوكاڵ له مهنهلى ئهرا وهرگرتن قهرد لهوهر خاتر وهكارخستن زهویهیلیان و ئهنجامداین پرووژهیلیان، ك ئهو قهردهیلیشه ها لهناونى 20 تا 250 ملیۆن دینار.
بیجگه ئهوهیش، ئاشكراى ئهوهیش ئهكا، ك فرهجار وهك رۆتین ئى داواكاریهیله بهرزهو كریاگه لهوهر خاتر وهدهسهاوردن قهرد كشتوكاڵى و چگن ئهرا وزارهت كشتوكاڵى و هاوردنهدهس رهزامهنى لهبان قهردهگهو دویاى ئهوهیش حهسركردنى له وهڕیهوبهرایهتیهیل كشتوكاڵى له پاریزگا، ك وهل ئهوهیشا قهیرى وهربهس و گرفت تائیسهیش خرییهیگه وهردهم وهكاربردن ئى مهسهله وهتایبهت لهلایهن بڕیگ كارمهند له پاشمهندهى بهعسیهیل لهوانهك له وهڕیهوبهرایهتى كشتوكاڵ دیاله وهزیفهكارن.
لهباوهت قهرهبوو ماددهى 140یش ئهرا ناوچهیل مهنهلى، شهفى زیاتر ئاشكراى كردو ئویشیگ: مهردمانیگ ئهو قهرهبوو یا تهعویزه وهرگرتنه وهگوورهى ماددهى 140ك چهكیگه وهبڕ 10 ملیۆن دینار لهخانهقى و مهنهلى ك رهسیهسه 12 ههزار چهك. وهل ئهوهیشا مهردم فرهیگ یا ئهوهسه كهم وكوڕى له فایلهیلیان دیرن یا غهڵهتیگ ههس، ههر لهوهر ئهوهیش خریانهسه قوناغ ئایندهو لهنزیكهیله زیاتر له 2000 چهك قهرهبوو دابهش كریهیگ لهبان ئهوانهك معاملهیان تهواو نهویه لهناونى ئهو 12 ههزاره.
لهلایهن خوهیهو، وهرپرس نویسینگهى مادهى 140 لهخانهقى عهدنان مهنسور له گفتوگوویگ ئهرا شهفهق جهخت لهبان ئهوه كرد، ك مهسهلهى داین چهكهیل قهرهبوو ئهرا خیزانهیل كورد لهناوچهیل كیشهدار وهتایبهت مهنهلى و خانهقى سهرفكردنى نزیكهو لوجنهگه تائیسه تویهنستگه زیاتر له 12000 چهك دابهش بكا، ئهوهیش ئاشكرا كرد ك لهشوون عهید رهمهزان موبارهك دهس كهیمنه بهشهوكردن زیاتر له 2000چهك قهرهبوو لهناونى ناوچهیل خانهقى و مهنهلى.
لهباوهت ئهو دویاخستنیشه ك رویدا لهبهشهوكردن ئى چهكهیله، مهنسور ئویشیگ : مهسهلهى میكانیزم یا ئالیهى چهودیریكریاگ لهخواست داخڵكردن زانیارى و شماره ئهرا ناو كۆمپیتهر وهخت فرهیگ برد لهكار لوجنهگه.
لهبان باقى ناوهیلیش ك مهندنهسهو لهناونى ئهو داواكاریهیل قهرهبووكردنه لهمهرز ناوچهگه، مهنسور ئویشیگ: زیاتر له 3000 فایل تر ههس ك خهریك راسهوكردن و تهواكردنیانیم و ئهوانیش لهشوون دابهشكردن چهكهیل جیاجیا(المتفرقه)لهشوون عهید رهمهزان دهس وهپى كهیم. لهههمان وهخت ئششارهت وه ئهوهیش كرد و وت: ئهو عهرهبهیلیشه ك لهخانهقى و مهنهلى دهرچینه ئهوانیش بهشدارن له وهرگرتن قهرهبوو ك زوورمیان چهك قهرهبوو وهرگرتنهو تهنیا شمارهى كهمیگ نهود لهلیان مهندگه.
| < پێشتر | دواتر > |
|---|
