شهفهق/ دویاى تاوتویكردن راپۆرت ههڵكهفت كوردهیل فهیلى لهعراق و دهرچگن لهلى وه(14) بهند لهڕوى
وژدان و چارهسهركردن كیشهیلیان لهلایهن ئهنجوومهن نوێنهرهیل، ئهوه بوى قهوارهیل كوردستانى ئهو راپۆرته وهههق و مهینهتیهیل ئى چینه زانستن و ههر لهوهر ئهوهیش هاوپهیمانى نیشتمانى داواى جى وهجیكردن ههڵهپهڵهى ناوهڕوك راپۆرتهگهو بهندهیلى كرد، وهلى وهرپرسیگ لهحكوومهت ههرێم گهشبین نهوى وهو بهندهیلهو جویر مرهكهویگ لهبان وهرهقهیگ زانستهى.
نوێنهر لهبان هاوپهیمانى قهوارهیل كوردستانى پهریزاد شهعبان لهگفتوگوویگ ئهرا (شهفهق)وت: نوێنهرهیل عراق راپۆرت دهسهى قانوونى و تایبهت وهكوردهیل فهیلى خوهنستنهوهو یهكیگ لهو خاڵهیله تایبهت بوى وه داناین بڕیاریگ ئهرا هاوردنهوهى گشت ههقهیل كورد فهیلى.
راپۆرت دهسهى هاوبهش نوێنهرهیل ك سهرۆكهیل دهسهى دهركریاگهیل و كووچ وهپیكریاگهیل و ههقهیل ئنسانى و قانوونى گریگه خوهى، داوا له ئهنجوومهن نوێنهرهیل كرد بڕیار تایبهتیگ دانهن لهوهر هاوردنهوهى ههقهیل كورد فهیلى و هاوردنهوهى شوناسنامهو گشت ماڵ و موڵكهیل زهفتكریاگیان و كاراكردن كار دهسهى داواكارى موڵكیهت عهقارى.
شهعبان زیاتر ئویشیگ :" هاوپهیمانى كوردستانى داوا له دهسهى قانوونى كردگه ههڵهپهڵه بكا وهدهركردن شیوازیگ قانوونى و دهنگداین لهبان كیشهى كوردهیل فهیلى له چهن رووژیگ ئایندهى نزیك" و لهههمان وهخت ئشارهت وه ئهوهیش كرد، ك راپۆرتهگه خاڵهیل تازهو فرهخاسیگ گرتهسه خوهى لهباوهت ههق و قهوهراى ئهو مهینهتیهیله ك هاته تویش ئى چینهو ئویشیگ : گشت قهوارهیل سیاسى هان وهل دهنگداینا لهبان ئهوهك كیشهى كوردهیل فهیلى وه(لهناوبردن وهجهم) بشماریهیگ .
لهلایگ ترهوه، لهراپۆرتهگه داواى ئهوه له دهسڵاتهیل كریاگه گرنگى یا ئههمیهت بیهنه جموجویلكردن لهوهر خاتر چارهنویس بى سهروشوونهیل و گیریاگهیل و ئهوانهك تائیسه چارهنویسیان دیار نیهو لهههمان وهخت ئشارهت وه ئهوهیش لهتى كریاگه ك تاوان لهناوبردن وهجهم و تایبهت وهكوردهیل فهیلى لهڕیڕهوهیل یا مهناهج خوهنستن و پهروهردهیى ئشارهت وهپى بكریهیگ و شمارهى گونجیاگیگ له زهمالهى خوهندنیش لهبان ئهرك دهوڵهت دیارى بكریهیگ ئهرا ئهوانهك لهلى بیبهش بوینه یا دهركریانه یا واز لهلى هاوردنه.
لهلایهن خوهیهوه بهتوول فارووق نوێنهر لهبان هاوپهیمانى نیشتمانى لهگفتوگوویگ ئهرا(شهفهق)ئویشیگ : ئهو راپۆرته ك دهسهیل نوێنهرایهتى ئامادهى كردنه لهباوهت كیشهى كوردهیل فهیلى 14 بهند گریگه خوهى و لهوانهیش: هاوردنهوهى بهڵگهیل رهسمى و موڵكهیل زهفتكریاگ و دهرخستن چارهنویس بى سهروشوونهیل له ڕوڵهیلیان و داواى ئهوهیش كرد لهئهنجوومهن نوێنهرهیل ههڵهپهڵه بكهن له جى وهجیكردن ئهو بهندهیله ك لهراپۆرتهگه هاتگه.
بهتوول فارووق ئاشكراى ئهوهیش كرد، لهحاڵهت كاراكردن بهندهیل راپۆرتهگه وهشیوهى راسیگ ، بیگومان بووده زامنكهر هاوردنهوهى ههقهیل ئى چینه وهتهواوى، وهل ئهوهیشا جهخت لهبان ئهوهیش كرد ك زوورم ئهو داواكارى و قانوونهیله ك ئهنجوومهن نوێنهرهیل بهرزیهو كهن ئهرا لایهنهیل جى وهجیكار كهمتهرخهمى له جى وهجیكردنیان كریهیگه دى بیجگه رۆتین ك دام و دهزگایهیل دهوڵهت دیرنهى و یهیش ئهوهسه كوردهیل فهیلى ناڵنن وهپیهوه.
ههر لهى باوهتهوه، راویژكار یا موستهشار سهرۆك حكوومهت ههرێم كوردستان تالب موراد له گفتوگوویگ ئهرا(شهفهق)ئویشیگ : ئهو وهسیهتهیله ك لهئهنجوومهن نوێنهرهیل یا لهحكوومهتهوه دهرچوود لهوهرخاتر هاوردنهوهى ههقهیل چین كوردهیل فهیلى تا وهڕاسى جى وهجى نهكریهن هویچ قانجازیگ نهیرن و لهلایگیشهوه دهسخوهشى له ههوڵ و تهقلاى ئهنجوومهن نوێنهرهیل كرد لهداناین ئهو راپۆرته ئهرا هاوردنهوهى ههق كوردهیل فهیلى.
موراد زیاتر ئویشیگ :" لهشوون رمیان رژیم وهرین لهساڵ 2003 تائیسهیش ههوڵ دریهیگ ئهو مهینهتیه لهبان ئى چینه لاوریهیگ ، وهلى سهركهفتن وهدهس ناوردگه" و شایهت كوردهیل فهیلى لهیوا هویرهو بكهن ك پلانیگ دژیان وجوودد داشتووگ لهلاى بهعزه لایهنهیلیگهوه.
دادگاى باڵاى تاوانهیلیش له29/ 11 / 2010 حوكم خوهى دهرههق 15 تاوانبار ئاشكرا كرد لهوانهك كوشتن و دهركردن و كووچ وهپیكردن كردنه بهش كوردهیل فهیلى و بیجگه ئهوهیش ئهو تاوانهیله ك وهههق كوردهیل فهیلى كریا وه لهناوبردن وهجهم دارهى قهڵهم.
ههر لهوهر ئهوهیش سهرۆكایهتى كوومار بڕیار وازكردن نویسینگه یا مهكتهبیگ دا، ك چهودیرى و دوسیه یا مهلهف تاوان لهناوبردن وهجهم كوردهیل فهیلى بگریگه خوهى وهگوورهى ئهو بڕیاره ك لهدادگاى باڵاى تاوانهیل عراقیهوه دهرچى.
لهلایگ تریشهوه، ئهنجوومهن وهزرهیل لهشوون دهرچگن بڕیار دادگاى باڵاى تاوانهیل پهیمان ئهوهدا ئهو شوونهوارهیل خراوه نهیلیگ ك لهئهنجام بڕیارهیل وهردهوام رژیم رمیاگ سهرچهوه گرت دهرههق وه رۆڵهیل مللهت عراق لهكوردهیل فهیلى جویر(سهندنهوهى شوناسنامهى عراقى و زهفتكردن ماڵ و موڵك و ههقهیل تر زهفتكریاگ).
ریزدار مهسعود بارزانى سهرۆك ههرێمیش لهشوون دهرچگن بڕیار دادگاى باڵاى تاوانهیل عراقى لهباوهت كیشهى كوردهیل فهیلى، داوا لهگشت لایهنهیل پهیوهندیدار عراق یهكێتى و ههرێم كوردستان كرد چهودیرى ئهو ههقهیله بكهن ك خزمهت رهسنیگه كوردهیل فهیلى لهگشت مهیدانیگهوهو لهههمان وهخت قهرهبوو بكریهن و گشت ئهو ههقهیلیانه ك رژیم رمیاگ زهفتى كرد باریهێدهو.
| < پێشتر | دواتر > |
|---|
