شهفهق/ هاووڵاتیهیل هاوار لهدهس ئهو خزمهتگوزاریه كهن ك كومپانیهیل تهلهفۆن جیوازكریاگ لهعراق
پیشكهشى كهن، ك دهسكردهسه دزیكردن پویل وهگشت ڕیگهو شیوازیگ، ئهویش لهڕى ئهو نامهیله ك ئهرا هاووڵاتیهیل ناریگهى لهوهر خاتر بهشداریكردنیان له خزمهتگوزاریهیل خهیاڵى و دروكانیهیلیان.
وهل ئهوهیشا ساختهكارى یا تهزویر فرهیگیش لهو كارتهیل پڕهوكردنه كریاگهو لهلى ههس هویچ باڵانس یا رهسیدیگ لهتى نیه لهوهختى تواید باڵانس مۆبایل وهپى پڕهو بكهید، ئنجا وهڕیهوبهر یا مودیر یهكیگ لهنویسینگهیل فرووشتن كارت پڕهوكردن باڵانس حاشا لهوجوود ئى جووره كاریگ، ك لهگفتوگوویگ ئهرا( شهفهق)نهتواس ناو خوهى ئاشكرا بكاو وت: ئى قسه راس نیهو هاووڵاتیهیل نیهزانن وه ئارام كارتهگه بارنه كار، چوینكه ئهو شماره فره نازگهو هاووڵاتیهیلیش لهوهخت وهكارهاوردنى شمارهگه وه قایم سڕن و كوشیهیگهوه، ئنجا لهى حاڵهته ئاشكراى ئهوهیش كرد، ك هاووڵاتیهیل تویهنن سهردان كومپانیایهیل تهلهفۆن جیوازكریاگ بكهن له عهرهسات و باڵانسهگهیان وهربگرن.
(نادیه مستهفا)یش ك ك كاركهر ماڵه لهگفتوویگ ئهرا شهفهق ئویشیگ: ئایا ئیمه مهینهتیهیل كهمیگ دیریم تا مهینهتى كومپانیاى تهلهفۆن جیوازكریاگیش بایگه بانى؟ ئیمه ئهگهر لهوهر بار ئاسایش ناسهقامگیر و ترسمان له ڕوڵهیلیمان نهود بهشدارى لهى جووره خزمهتگوزاریهیله نهكردیایم ك وهل ئهوهیشا ههمیشه تووڕ یا شهبهكهیان تهواو نیه وهتایبهت رووژانه ك ههوهجهى فرهیگ وهپى دیریم.
لهلایهن خوهیهوه(ئهحمهد حكمهت)یش ك كارمهندیگه، سهرى سوڕمهند لهو ههمگه نامهیله ك ئویشیگ وهپیمان رهسیگ لهباوهت خزمهتگوزاریهوه، ك ئایا چ خزمهتگوزارییگ و شهبهكهیلیان وه تهواوى كزه؟ ك وهو جووریشه كومپانیایهیل گیرفانمان بهتاڵ كردنه.
(محهمهد سوبحى)خوندكاریش ئویشیگ: جار لهیوا ههس كارتیگ سینم ئهرا خاتر ئهوهك باڵانسهگهم وهپى زیاى بكهم، وهلى نوڕید شماره وپیهوه نیه، ك چوار كومپانیا یا شهریكهیش ها لهعراق و ئومیدهواریم تهماشایگ سیاسهت و خزمهتگوزاریهیلیان بكهن و حكوومهتیش چهودیرى مهسهلهگه بكاو دژ ئهو كومپانیایهیله بوسیهیگ ك دریغى كهن لهخزمهتگوزارى.
لهههمان وهخت چهودیرهیلیش باوهڕیان لهیواسه ك خزمهتگوزاریهیل تهلهفۆن جیوازكریاگ(خراویهگهى له خاسیهگهى زیاتره)، وهل ئهوهیشا راپۆرتهیل رهسانن یا ئعلامى مهسهلهى چارهنویس پهنج ملیۆن خهت ناموڵهتدار لهلایهن كومپانیاى (زین العراق)ك وهى دویاخره فرووشتهسهى زوورم شارهیل عراق دیار نیه، وهبى ئهوهك زانیارى لهبان بهشداربویهیل وهربگریگ.
| < پێشتر | دواتر > |
|---|
