شهفهق/ لهشوون ئهوهگ 90 رووژ له ماوهی 100 رووژ دياریكرياگ لهلايهن نوری مالكی سهرۆك وهزيرهيل عيراق ئهرا خاسهوكردن
بارودوخ خزمهتگوزاری وڵات گوزهرێ، تهنيا چهن رووژ مهنگه تا وهی ماوه كووتايی بايگ و فيشتر كوتلهيل سياسی ڕيككهفتنه ك لهی ماوه چشت ديارييگ جيوهجی نهكرياس.
لهوهختيگ ليست عيراقيه وه سهرۆكايهتی ئهياد عهللاوی ئهی باوهڕه ديريگ ك ماوهی 100 رووژ دياریكرياگ لهبان سهرنهكهفتن ئيدارهی دهوڵهت جهخت ئهكا، ئيئتلاف مالكی بڕيگ لهلايهنهيل وه شيوانن شهقام عيراقی و فشارهاوردن لهبان حكوومهت تاوانبار ئهكا، وهلی سهركردهيل كورد رهدكردن ك ئاڵشتكارييهيل گهورايگ ئهنجام بگرێ و حكوومهت ئيسهی وڵات ئاڵشتهو بكريهێد.
لهی چهن وهخت دوياخره بڕێگ له گهورا سهركردهيل وڵات داواكردن ههڵوژاردنهيل زويتر لهوهختيگ ئهنجام بگرێ و بڕێگيش داواكهن حكوومهت فرهيی دامهزريهێد و بڕيگيش ئهی باوهڕه ديرن ئهی كاره ها له دژ دهستوور چوينكه حكوومهت ئيسهی وڵات لهلايهن مللهت ههڵوژرياگه، وهلی لهيهكهودهرهيل سياسی ئهی باوهڕه ديرن ك ئهی حكوومهته سهختييهيل فرهيگ هالهوهردهمی.
(بيلن مللهت خوهی ئايهندهی خوهی ههڵوژنێ)
راوێژكار ليست عيراقيه له بهياننامهيگ ك كۆپييگی ڕهسيهسه دهس شهفهق وت: ماوهی 100 رووژ دياریكرياگ لهبان ناتهوانی ئيدارهی دهوڵهت جهخت ئهكا.
هانی عاشوور وت: لهشوون كووتايیهاتن وه ماوهی 100 رووژ دياریكرياگ تويهنيم نهتيجهيل وهرچهو بوينيم و سهرلهنوو ئهرا چوارچيوهی سهرهتايی گلهو بخوهيم تا مللهت لهڕيگهی ههڵوژردنهيل پاك و ئازاديگ خوهيان ئايهندهی خوهيان دياری بكهن.
لهلايگترهو بڕيگ لهشوون كووتايیهاتن وه ماوهی دياریكرياگ ئهرا مهزنهكردن كار وزارهتهيل و دياری نهكردن وهزيرهيل ئهمنی وڵات قهيران گهورايگ لهوڵات وهدی باێد وهتايبهت ك وهزعيهت ئهمنی وڵات سهختترهو بويه و دهسدريژييهيل فرهيگ له بهغدا و بڕيگ له پارێزگايهيل له دژ ئهفسهرهيل و كارمهندهيل حكوومهتی ئهنجام گرێد.
لهوهختيگ لهبان سايتهيل ئهنتهرنێتی دهعوهتهيل فرهيگ كرياس تا لهشوون كووتايیهاتن وه ماوهی 100 رووژ دياریكرياگ خوهی نيشانداينهيليگ ساز بكريهێد، دوينيمن وهرجله ئهوهگ ئهی ماوه كووتايی وهپی باێد هێزهيل ئهمنی فرهيگ له بهغدای پايتهخت پهخشهو بوينه.
(ئهگهر ڕويداين ههر رويداگيگ ههس)
بهتول فاروق پهرلهمانتار سهروه ئيئتلاف دهوڵهت ياسا ئهرا (شهفهق) وت: لايهنهيل سياسی ديرن وهزعهگه سهختهو كهن و پيشبينی كهيم ئهی لايهنهيله وهزعيهت وڵات وهكار بوهن و هاووڵاتيهيل هان بدهن تا بانهناو شهقامهيل.
بهتول فاروق ههميش وهدوير نهزانست ك يا ههڵوژاردنهيل پيش وهخت ئهنجام بگرێ يا حكوومهت فرهيی دامهزريهيگ و وت: ئيمه پيشبينی ههر روويداگيگ كرديمنه جوور ههڵوژاردنهيل پيش وهخت يا فرهوبوين ناكووكيهيل و بشيوی له نيشتنهيل پهرلهمان.
ئهی پهرلهمانتاره له كوتلهيل سياسی داواكرد چهوهڕی بكهن تا وهختيگ نوری مالكی سهرۆك وهزيرهيل عيراق راپۆرت خوهی لهبارهی وزارهتهيل پيشكهش بكا و ئهو وهخته لهبان سهركهفتن يا شكهست خواردن ماوهی 100 رووژ بڕيار بيهن.
لهلايگترهو ئوسامه نوجێفی سهرۆك پهرلهمان عيراق ههڕهشه كرد ك متمانه له حكوومهت كيشيگهو ئهگهر داواكاری هاووڵاتيهيل جيوهجی نهكريهێد و ههميش بڕياردهن ئهرا كيشانن متمانه له ههر وهزيريگ ك 75% بهرنامهی دياریكرياگ ئهرا وزارهتهگهی جيوهجی نهكردگه.
وهلی بڕيگ لهسياسيهيل وهتايبهت كورد وهدوير زانن ك گۆڕانكاريهيل گهورايگ جوور دامهزرانن حكوومهت نوو ئهنجام بگرێ و تهنيا گۆرانكاريهيل بويچگيگ وهگورهی ڕيككهفتنهيل سياسی ئهنجام گرن.
(گۆڕانكاری گهورايگ لهشوون ماوهی 100 رووژ وهدی نيهتيهيگ)
مهحمود عوسمان سهركردهيگ له ئيئتلاف كوتلهيل كوردستانی له تهسريحيگ ئهرا شهفهق وت: وهدیهاتن گۆڕانكاريهيل گهورا جوور ڕێكخستن ههڵوژاردنهيل زويتر لهوهخت فره دويره و ئهی باوهته وهگورهی ڕێككهفتنهيل سياسی يهكلاوه كريهێد.
عوسمان ئهی باوهڕه ديرێ ڕێككهفتنهيل سياسی له گشت چينهيل پرۆسهی سياسی ڕی پهيا كردگه.
ئهندام ئيئتلاف كوتلهيل كوردستانی له دريژهی قسيهيلهگهی وت: وهزعيهت گشتی جوور خوهی مينيگهی و تهنيا چهن گۆڕانكاری بويچكيگ ئهنجام گرێ ك ئهوهيش وهگورهی ڕێككهفتنهيل سياسی جيوهجی كريهن.
عوسمان ههميش جهخت كرد: لهكووتاييهو باوهتهگه هالهدهس نوری مالكی چوينكه سهرۆك وهزيرهيل حكوومهته و ماوهی 100 رووژ دياری كردگه و بايهد چهوهڕی بكهيم تا راپۆرت خوهی لهبارهی مهزهنهكردن كار وزارهتهيل پيشكهش بكا و لهههمان وهختيش له مالكی داواكرد دهس بكاده ئامادهكردن راپۆرت خوهی.
وهلی مالكی له مانگ گوزهيشته ئعلان كرد ك دهس لهكار كيشيگ و حكوومهت شيونيگ و داوا ئهكا ك پهرلهمانيش بشيونن و لهكار لاوهن ئهگهر وهی نهتيجه رهسی ك هويچ فايدهيگ نهيرێد و جهخت كرد سهرنهكهفتن ههر وهزيريگ له كارهيلی وهمانای سهرنهكهفتن كوتلهی وهزيرهگهس و لهوهراوهريش ئوسامه نويجفی سهرۆك پهرلهمان ههڕهشه كرد متمانه له حكوومهت ئيسه كيشنهو و لهكار لاونهی ئهگهر داواكارييهيل مللهت جيوهجی نهكا.
| < پێشتر | دواتر > |
|---|
