شهفهق/ فره له پهیجووریكهرهیل كوومهڵایهتى ئهوه دوینن ك قهیران نیشتهجابوین یهكیگه له گهوراترین
هووكارهیل زیایهو بوین ڕێژهى تهڵاقداین، و تهماشاكهید فره له ژن و پیاوهیل له درانهى دادگا وسیانه و چهوهڕى تهڵاق كهن، و دیاره ك كێشهگه له ناوبهین ژن و پیاوهگه نیه، بهڵكوو ئى كێشه له گیروگرفت و ناكووكى ناوبهین وهوى و كهسوكار پیاوهگهى پهیابوود، و ئهگهریش ئازادى هاوسهرگیرىه وجوود بیاشتایاد ئى جووره كیشهیلیگ روى نهیان، و ئازادى هاوسهرگیرییش هاله تواناى سهروهخوهى بوین و جیاوه بوین ك شوون نیشتهجابوینیگ تایبهت وه ژن و پیاوهگه دابینى كهید. گشت ساڵیگیش پهرلهمان وهگشت فراكسیۆنهگانیهو بودجهى فیدرالى عیراق بهرقهراركهید و له ساڵ 2006 وه 32 ملیار دۆلار و ساڵ 2007 وه 42 ملیار دۆلار و ساڵ سێیمیش وه 48 ملیار دۆلار وساڵ چوارم وه 63 ملیار دۆلار بهرقهرار كریا ك سهرجهمیان بووده 185 ملیار دۆلار ك دابهشكریا بان بودجهى وهكارخستن ك مهعاش ههرچى كارمهنده له دهوڵهت عیراق و مهعاشهیل كوومهك حكوومى و تووڕ مقهیهتیكردن كوومهڵایهتى گریدهوهوه و بهش دویمیشى بودجهى وهبهرهاوردنه ك دریاسه دهس وهزارهتهیل حكوومهت فیدرالى و حكوومهتهیل مهحهلى له پارێزگایهیل و ههرێم كوردستان، ئایا بودجهى 2011 قهیران نیشتهجابوین چارهسهر كهید؟
| < پێشتر | دواتر > |
|---|
