شهفهق/ سهرجهم ئهو كارهبا ك عیراق له وڵاتهیل هاوسا تیهریدهى ڕهسیده نزیكهى 550 میگاوات، له شوون
ئهوهگ توركیا لهوهر تهواوبوین بۆند یا عهقدهگه ئهو بڕ 250 میگاواته بڕى ك ئهرا عیراق كلى كردیاد، و ئیسهیش عیراق لهى ڕووژهیل گوزهیشتهوه خهریكه 500 میگاوات له وزهى كارهبا له ئیرانهو هاوردهكهید، له ههمان وهختیش وهزارهت كارهبا ههوڵ دهید ئهرا زیاتر تهنسیقكردن وهل سوریا ئهرا بهسانن عیراق وه پرۆژهى عهرهبى وهیهكهوبهسانن ههیش لایهنى، ك وزه له مسرهو ئهرا عیراق دابین، وهگوورهى ئهوهگ قسهكهر میدیایى وهناو وهزارهتهگه مصعب المدرس ئهرا ئاژانس خهوهرى ئاكانیوز باسى كرد.
شایان وتنه ك وهزارهت كارهبا چهن ڕیككهفتننامهیگ وهل وڵاتهیل هاوساوه گریهدایه ئهرا كووتایى هاوردن وه قهیران وزه ك یه سێ دهیهس عیراق وهدهسیهو ناڵنێ. یهیشه هیشتهى ئى ڕیككهفتننامهیله ئمزا بكهید ئهرا خاسهوكردن بارووهزع وزه له وڵات، و وهگوورهى ئامارهیل حكوومى ئهو وزه ك ئیسه هاله ژیر دهس عیراق نزیكهى 9 ههزار میگاواته و ئهو وزه ك تواناى دیرید نزیكهى 11 تا 12 ههزار میگاواته. و ههوهجهى عیراق ڕهسیده نزیكهى 14 ههزار میگاوات له تاوسان وهختى پلهى گهرمى ڕهسیده زیاتر له 50 پلهى سهدى.
| < پێشتر | دواتر > |
|---|
