شهفهق/ بڕیاره ئمڕوو دادگای لاهای له هۆڵهندا دانیشتنيگ تایبهت لهبارهی مهسهلهی قهرهبووكردن
زهرهرمهنهيل كیمیاواران لهههردو شار ههڵهبجه و سهردهشت سازبكا و شايهد زهرهرمهنهيل ئهو كهیسه له سهروهت تایبهت فرانس ڤان ئانرات قهرهبووبكريهن.
خهبات نهوزاد وهرپرس كۆمیتهی ههڵهبجهی چاودێری كوردۆساید ئهرا ڕووژنامهی ئاسۆ وت؛ بڕیاره ئمڕوو دادگای باڵای لاهای هۆڵهندا دانیشتنيگ تایبهت لهبارهی دۆسیهی قهرهبووكردن زهرهرمهنهيل چهك كیمیاوی سازبكا و شايهد دادگا فرانس ڤان ئهنرات كه جاران، دادگای هۆڵهندا لهبان ههمان دۆسیه (15) ساڵ زندان ئهرای بڕيهو، ناچار بكا وه قهرهبووكردن مادی گشت ئهو كهسهیله ك ك شكاتيان كردنه.
وتیش: "بڕیاره له دانیشتن دادگا چهن نوێنهريگ ههردو شار ههڵهبجهی شههید و سهردهشت ئامادهبوون ك فرهترین قوربانی چهك كیمیاوی دهس ڕژيم بهعسن".
وهرجلهيهيش وهتاوان هاوكاریكردن حكومهت عیراق له دابینكردن چهك كیمیاوی، دادگای هۆڵهندا سزای (15) ساڵ زندان ئهرا فرانس ڤان ئهنرات گهورا بازرگان هۆڵهندی دهركرد.
يه لهوهختيگه ك شمارهی فرهيگ له جايهڵ و جوانهيل كورد فهيلی له تاقيگهيل چهكهيل كيمياوی و بايلۆجی ڕژيم وهرين عێراق شههيد كريان.
| < پێشتر | دواتر > |
|---|
