شـه‌فــه‌ق نــیوز

شه‌فه‌ق/ له‌ ساڵ 2010 گێجه‌یل هه‌ڵئاوسان یا موئه‌شره‌یل ته‌زه‌خوم وه‌ ڕێژه‌ى 3.3% به‌رزه‌و بویه‌، ئاكامه‌یل

راپۆرت هه‌ڵئاوسان مانگ كانون یه‌كم 2010 ك له‌ سه‌ر بنه‌ماى جه‌مه‌وكردن داتایه‌یل یا به‌یانات مه‌یدانى له‌ باوه‌ت نرخ كاڵا و خزمه‌تگوزارى ئه‌را بسین(مستهلك) ئاماده‌كریاس له‌ بازاڕیگ دیاریكریاى له‌ گشت پارێزگایه‌یل عیراق و له‌و ڕاپۆرته‌ ساڵ 2007 وه‌ك بنه‌ڕه‌تیگ به‌راوردكردن دانریا، و ئاكامه‌یلیشى وه‌ى جووره‌ بوین:

كۆد پێوانه‌ یا نمره‌ى قیاسى نرخه‌یل بسین (مستهلك) (127.9%) له‌ مانگ كانون یه‌كم ساڵ 2010 وه‌ تۆمار كردن 0.3% كه‌مه‌وكردن وه‌گووره‌ى مانگ وه‌رین و 3.3% زیایكردن وه‌به‌راوردكردنى وه‌ل مانگ كانون یه‌كم ساڵ 2009. و ئاكامه‌گانیش وه‌ گووره‌ى به‌شه‌گان كه‌مه‌وكردن نیشاندایه‌ له‌ به‌ش خوه‌راك و خواردنه‌وه‌ى ناكحوولى وه‌ ڕیژه‌ى 0.9%، له‌وه‌ختیگ وه‌ ڕێژه‌ى 0.2% به‌رزه‌وبوین تۆماركردیه‌ له‌ به‌ش خواردنه‌وه‌ى كحوولى و ته‌ماكو. هه‌رله‌یوا به‌رزه‌وبوین له‌ به‌ش جنگ و كه‌وش وه‌ ڕێژه‌ى 0.1%... له‌باوه‌ت نرخ سووته‌مه‌نى (بانزین و نه‌فت و غاز) له‌ مانگ كانون یه‌كم وه‌ ڕێژه‌ى 1.4% كه‌مه‌وبویه‌ و له‌ هه‌مان وه‌خت به‌ش كاڵاى ناوماڵه‌ وه‌ ڕێژه‌ى0.3% به‌رزه‌وبویه‌ و به‌ش ته‌ندروستییش وه‌ ڕێژه‌ى 0.4% به‌رزه‌و بویه‌، وه‌لى له‌ به‌ش نه‌قل سه‌قامگیرى تۆماركریاس، و به‌ش په‌یوه‌ندى وه‌ ڕێژه‌ى 0.7% كه‌مه‌وكردن وه‌خوه‌یه‌و دیه‌، و هه‌ر له‌یوا له‌ به‌ش ڕووشنهویرى و ته‌رفیه له‌ى مانگه‌ ڕێژه‌ى 0.3%كه‌مه‌وكردن له‌ نرخیان تۆماركریاس، له‌هه‌مان وه‌خت به‌ش هووكاره‌كردن(تعلیم) به‌رزه‌وبوینیگ وه‌ڕێژه‌ى 1.9% وه‌خوه‌یه‌ودیه‌. سه‌باره‌ت وه‌ به‌ش چێشتخانه‌یل یا مه‌تعه‌مه‌یل به‌رزه‌وبوینیگ وه‌ڕێژه‌ى 0.5% تۆمار كریاس، و له‌ به‌ش كاڵا و خزمه‌تگوزاریه‌یل جووراوجوور به‌رزه‌وبوینیگ وه‌ ڕێژه‌ى 0.7% تۆماركریاس.

له‌باوه‌ت گێج كۆده‌یل پێوانه‌یى نرخه‌یل بسینه‌یل له‌ سه‌ر ئاست ناوچه‌یل وڵات، نرخه‌یل ناوچه‌ى كوردستان به‌رزه‌وبوین كه‌میگ وه‌خوه‌یه‌ودیه‌ وه‌ڕێژه‌ى 0.2% له‌ مانگ كانون یه‌كم 2010 وه‌به‌راورد وه‌ل مانگ گوزه‌یشته‌، له‌ ناوچه‌ى ناوڕاسیش كه‌مه‌وبوین كه‌میگ وه‌ڕێژه‌ى0.1% تۆماركریاس و له‌ ناوچه‌ى باشووریش وه‌ ڕێژه‌ى 0.6%نرخه‌یل كه‌مكردنه‌ وه‌به‌راورد وه‌ل مانگ گوزه‌یشته‌.

< پێشتر		دواتر >