شهفهق/ له ساڵ گوزهیشتهى 2010، نزیكهى 130 ڕووژنامهنویس تویش پهلامارداین و تهعدا و دهسوهشانن و
نواگردن و زندانى كردن هاتنه وهبى فهرمان قهزایى، و دهرفهت دریاسه ئهو كهسهیله ك تهعدا له ڕووژنامهنویسهیل كردنه له سزا قورتاربوون.
وه شیهوكردن و لهیهكهوداین ئهو پهلامار و تهعدایهیله ك له لایهن بڕیگ لایهن حكوومى و پۆلیس و پاسهوانهیلهو تویش ڕووژنامهنویسهیل هاتیه، ئهوه ئهرامان دهركهفێ ك لهوهر ههڵسوكهفت ناوهرپرسیارى ئهوانهوه بویه، ههرچهنى ك ئهو ڕووژنامهنویسهیل تهعدالیكریاى وه چهو و وه دهزگاى ئهلیكترۆنى له لایهن پاسهوانهیل و پۆلیسهوه وشكنریانه و شناسنامهى ڕووژنامهنویسییش وهپیان بویه.
هیمان شار بهغداى پایتهخت خهتهرترین شوونه ئهرا ڕووژنامهنویسهیل، چوینكه له ساڵ 2010 چهن ڕووژنامهنویسیگ لهتى تیرۆركریانه، وهل ئهوهیشهوه كوومهڵهى عیراقى وهرگریكردن له ههق ڕووژنامهنویسهیل ئى ساڵه وهكهمترین ساڵ خویناوى داسه قهڵهم.
| < پێشتر | دواتر > |
|---|
