شهفهق/ وهل ئهوهگ وهگورهی مادهی 9 دهستوور، بايهته سوپای عیراق سوپای گشت پێكهاتهيل بوود، وهلی
تائيسه ئهو ماده جيوهجى نهكرياگه و وهردهوام دژایهتی كورد كرياگه لهناو ئهو سوپا.
خالد شوانی ئهندام ئهنجومهن نوێنهرهیل عیراق لهيبارهو وت: وهگورهی مادهی 9 دهستوور بايهته سوپای عیراق سوپای گشت پێكهاتهيل بوود و لهناو ئهو سوپا هاوسهنگی نیشتیمانی لهوهرچهو بگيريهێ ك ههر پێكهاتهیگ له پێكهاتهیل عیراق وهگورهی قورسایی خوهی نوێنهر داشتوود.
شوانی وت: "یهكم لیوا ك داواكريا له سوپای عیراق له هێز پێشمهرگه دروسكريا، وهلی وهخاتر سیاسهت دژایهتیكردن ئهزموون ئهفسهر و دهرهجهدارهیل كورد لهلایهن وهزارهت وهرگری عیراق رێژهی كورد لهو وهزارهته وهرهو كهمهوبوين بردياد تا ديواین ئامار ك 7% ئهفسهر و دهرهجهدارهیل وهزارهت وهرگری عیراق كوردن".
وتیش:"لهڕێككهفتنهيل سیاسیمان وهل لایهنهيل له وهخت پێكهاوردن حكومهت جهخت لهوه كرديمنهسهو ك بايهته ئهی ڕێژه خاس بكريهێ و ریفۆرم له سیستم سهربازی عیراق بكريهێ".
ئاشكرايشی كردهو ك" نادێ وهنهفهس وهرين وهزارهت وهرگری ك وهرجلهيه دژایهتی كورد كردگه تهقلا بكريهێ كورد پهراوێز بخريهێ، چوينكه ئهوه خهتهره نهك لهبان كورد بهڵكم لهبان گشت پرۆسهی دیموكراسی له عیراق".
| < پێشتر | دواتر > |
|---|
