شهفهق/ وهزارهی كاروبار شههیدهیل وئهنفال كریاگهیل له حكومهت ههرێم كوردستان تهئكید كردگه ك كهیس كوردهيل فهیلی
هاله وهزارهگهیان و ئی كيشه هویچ جیاوازییگ وهل قوروانیيهیل كیمیاواران ههڵهبجه و ئهنفال كریاگهیل نهێرێد. شێخ كامل قادر راوێژكار وهزارهی كاروبار شههیدهیل وئهنفال كریاگهیل له حكومهت ههرێم كوردستان لهی باوهته ئهرا ئاژانسهيل دهنگوباس وتگه: وهزارهی شههیدهیل ئامادهی دانیشتنهیل تایبهت وهكوردهیل فهیلی له دادگا بویه و ههزاران بهڵگهی تایبهت وهكارهسات كوردهيل فهیلی و كارهساتهیل تر له بووجهی حكومهت ههرێم كوردستان سهنگه ئهرا ئهوهگ هویچ كارهساتیگ گوم نهود و لهیرهو دویا مللهتهیل عراق لهلایهن هویچ دهسهڵاتیگهو له ناو نهوریهن . ناوبریاگ ههمیش تهئكید كردگه ك شههیدهیل كورد فهیلی هاوشیوهی گشت شههیدهیل كوردستان خاوهن ههقن و جیاوازی وهل شههیدهیلتر كورد و كوردستان نهیرن. شیخ كامل قادر له ئهو خانهوادهیل كورد فهیليیه ك ماڵ وموڵك وسهروهت و سامانیان وهتاڵان بریاگه تواستگه بهڵگه نامهیل ئهو زهرهدهیله پیشكهش وه دادگایهیل مهدهنی شارهیل خوهیان بكهن ئهرا ئهوهگ كلیان بكریهێ ئهرا دادگای باڵای تاوانهیل عراق فدرال تا قهرهبوو بكریهن.
| < پێشتر | دواتر > |
|---|
