شهفهق/ عهمر مووسا ئهمیندار گشتى كوومكار عهرهبى، وه زووانیگ دیپلۆماسیانه جوواو پرسیاریگ دا لهباوهت
ههق چارهى خوهى نویسانن كورد له عیراق، جوور مهردم باشوور سوودان، لهههمان وهختیش سهرۆك ههرێم كوردستان ك میواندار مووسا بوى، تهنیا جهخت لهبان ئهوه كرد ك كورد بڕیار چارهنویس خوهى دایه له ئاماژهیگ وهو سستم فیدرالیه ك ئمڕوو دیرنهى.
مووسا لهو كۆنفرانس ڕووژنامهنویسى هاوبهشه ك وهل بارزانیهو دویهكه دوشهممه، گریهى دا لهجوواو پرسیاریگ ئاژانس سۆمهریه نیوز، وت:"ههر داواكارى كوردییگ لهباوهت ڕاپرسى لهبان ههق چارهى خوهى نویسانن وه مهسهلهیگ گریمانى یا ئفترازى زانیمن و وت ئهرا چه ئیجووره پرسیاریگ بكهیمن و ئهراى چه منیش جوواو ئیجووره پرسیاریگ ئفترازى بیهم، بیلا ئى پرسیاره بیلیم ئهرا سهرۆك بارزانى، چوینكه جوواو ئهو لهبان ئى پرسیاره هیلیدهمان خاستر بفامیمن".
لهلاى خوهیهو بارزانى وهى جووره تهعلیقدا لهبان پرسیارهگهو وت :"ههق چارهى خوهى نویسانن، ههقیگ ڕهوا و ئنسانیه ئهرا ههر مللهت و نهتهوهیگ، وهلى پرسیار ها لهورا چوین ئى ههقه وهكارتیهریهید؟، وهنسبهت مللهت كوردیش ئهوه ههڵوژان ك ئى ههقه چوین وهكاربارید (له ئاماژهیگ ئهرا ئهو فیدرالیه ك ئمڕوو ها له ههرێم كوردستان)".
| < پێشتر | دواتر > |
|---|
