شهفهق/ وهرپرس پهیوهندییهيل جهماوهری كۆمسیۆن باڵای سهروهخوهی ههڵوژاردنهیل عێراق ئاشكرايهو كرد،
شهش كۆمسیار كۆمسیۆن ك يهكيگيان كورده، بهشداری له راپرسییهگهی باشوور سودان ئهكهن.
(عهبدولڕهحمان خهلیفه) دهريخست، بهشداریكردن ئهو شاند كۆمسیارهیل كۆمسیۆن باڵا لهراپرسییهگهی باشوور سودان له 9 ئهى مانگه، لهبان بانگهێشت فهرمی كۆمكار عهرهبی بويه ئهرا ئهوهگ جوور چاودێر بهشداری لهراپرسییهگه بكهن.
وتیش:"ئيسه شاندهگه رهسينهسه قاهیره، ك (سهردار عهبدولكهریم) جوور كورديگ بهشداری راپرسییهگه ئهكا و یهكيگه لهشهش كۆمسیارهگهی عێراق، لهوهختيگ (قاسم عهبود، موئهیهد كینانی، ئهمهل بهیرهقدار، سهعد راوی و دكتۆر ئوسامه ئهلعانی)ش جوور كۆمسیارهیل كۆمسیۆن بهشداری لهراپرسییهگه ئهكهن".
ئهوهيش خستهڕوى، كۆمسیۆنهگهیان وهل كۆمسیۆنهیل جههان پهیوهندی ديرن و لهههڵوژاردنهیل بۆسنهو ههرسك و ههڵوژاردن سوید بهشداری كردنه.
وهرپرس پهیوهندییهيل جهماوهریی كۆمسیۆن باس لهوهيشكرد، بهشداریكردن وهفديگ باڵای كۆمسیارهیل كۆمسیۆن باڵای سهروهخوهی ههڵوژاردنهیل عێراق لهراپرسی باشوور سودان، ئهدێده ئهزمونيگ ئهرا ئهنجامداين راپرسی لهعێراق، چوينكه له ئايده راپرسی لهعێراق ئهنجام ئهدريهێ.
لهبارهی راپرسی سودانو كاریگهرییهیلى لهبان كوردو ناوچهگه، وهرجلهيه (د. بوخاری عهبدوڵڵا) پهرلهمانتار وهرین عێراق لهلیژنهی پهیوهندییهیل دهرهكى و چاودێر سیاسی كورد وت:"بيگومان راپرسی سودان گرنگی فرهیگ ديرێ و كاریگهری لهبان كێشهی كورد ديرێ، ههرچهن ك مێژووی خهبات باشوور سودان جوور كێشهیگ نهتهوهیی وهبهراورد وهخهبات كورد، یهكجارهكی نووه، ئهتويهنم بويشم نزیكهی سی تا چل ساڵيگه دهسوهپيكردگه. وهلی وه ئهرايچوين من ئهوه پێشكهفتنيگ فريه گهورایگه لهباكوور ئهفریقیا روى ئهيا، ههرچهن ك حكوومهت سودان گرفت ئهرا راپرسییهگه دروس ئهكا، یا له دهروينهو دگان وهپی نيهنهێد، وهلی ئهوه گۆڕانكارییگ جوورییه لهباوهت ههق چارهنويس خوهى نويسانن لهناوچهگهو لهخوهرههڵات ناوڕاس. دهیان مللهت تر ههم لهسودانو ههم لهئهفریقیاو ئاسیا ههن، ك جارێ دهوڵهت نهيرن و لهو ههقه بيبهشكريانه. راپرسی سودان كاریگهری ديرێ، چوينكه دونیای خوهرئاوا پشتیوانی له ئهو راپرسییهو سهركهفتنی ئهكا".
| < پێشتر | دواتر > |
|---|
