شهفهق/ (جهلال تاڵهبانی) سهرۆك كۆمار عێراق فیدراڵ ههق ڤیتۆ ئهرای گلهو ئهدريهێ، وهلی جێگرهیلی ئهو
ههقه نهيرن؛ هاووهخت هاوپهیمانی نیشتمانی ئهو ههقه پهسهنكردگه و ئهلێعراقییهيش دژ وهو ههقه نيه.
سهرچاوهیگ له ئیئتیلاف كوتلهيل كوردستانی، ك نهتواست ناوی ئاشكرابوود ئهرا (رووژنامهی شهرقولئهوسهت) وت، وه ئمزاكردن 19 خاڵًهگهی كورد لهلایهن نوری مالكی سهرۆك وهزیرهيل، ههق ڤیتۆی سهرۆك كۆمار گلهودرياس، چوينكه یهكيگ له داواكارییهیل كورد ئهوه بويه، ك جوور خول وهرين سهرۆك كۆمار ماف ڤیتۆ داشتوود لهبان ههر بڕیار و یاسایگ ك له ئهنجوومهن نوێنهرهيل دهرئهچێ، تا ئهو وهختهگ ئهنجوومهن فیدراڵی دائهمهزريهێد.
ئهو سهرچاوه ههميش وت: ئهو ههقه تهنیا ئهرا سهرۆك كۆماره، نهك جێگرهیل، چوينكه دیاریكردن جێگرهیلی له دهسهڵات سهرۆك كۆماره و سهرۆك كۆمار خوهی جێگرهیلی دهسنیشان ئهكا.
سهرچاوهگهی ئیئتیلاف كوتلهيل كوردستانی وتیش: ئهكريهێ سهرۆك كۆمار بڕێگ له سهلاحیهتهیلی بياده جێگرهیلی، وهلی وه تهنیا سهرۆك كۆمار ههق ڤیتۆ دێرێ.
سهرچاوهگه وتیش: هاوپهیمانی نیشتمانی ههق ڤیتۆ ئهرا سهرۆك كۆمار پهسهن كردگه و لیست ئهلێعراقییهيش ڕێگری نيه و بڕیاره ئهيه بخريهێده وهردهم ئهنجوومهن نوێنهرهيل ئهرا ئهوهگ بدێده یاسا.
pna
| < پێشتر | دواتر > |
|---|
