شهفهق/ وهگورهی راپرسییگ ك ئاژانس خهوهری (ئهخبارییه) لهبارهی خاسترین كهسایهتی سیاسی ساڵ 2010
لهعێراق ئهنجامیداگه وهگورهی ئهنجام كوتایی ئهى راپرسیه "مهسعود بارزانی" سهرۆك ههرێم كوردستان لهلایهن بهشداربويهیل راپرسیهگه وهخاسترین و كاریگهرترین كهسایهتی سیاسی ساڵ گوزهيشتهی عێراق دهسنیشان كرياگه.
ئاژانس خهوهری ئهخبارییه راپرسییهگهی لهناونى شهش كهسایهتی سیاسی ئهنجامداگه ك 90 ههزار و 79 كهس بهشداری لهدهنگداين كردنه، وهگورهی ئهنجامهیل كوتایی "مهسعود بارزانی" سهرۆك ههرێم كوردستان وه 52 ههزار و 270 دهنگ، وه 58% گشت دهنگدهرهيل وه پلهی یهكم و وهخاسترین كهسایهتی سیاسی عێراق ئهرا ساڵ 2010 ههڵوژرياس.
ههميش لهپلهی دويهم راپرسییهگه "جهلال تاڵهبانی" سهرۆك كۆمار عێراق فیدڕاڵ وه 36 ههزار و 802 دهنگ، وه 41% گشت دهنگهگان، لهپلهی سێیهمیش "تارق هاشمی" وه 494 دهنگ ، وه 1% گشت دهنگدهرهيل جی گرتگه.
ههر وهگورهی ئهنجام راپرسییهگه "ئوسامه نوجێفی" سهرۆك ئهنجوومهن نوێنهرهیل عێراق وه 264 دهنگ وه پلهی چوارم هاتگه، وهلی وهبهراورد وهل پلهی یهكم له گشت دهنگهگان 0% هاوردگه.
ههميش "نوری مالكی" سهرۆك وهزیرهیل عێراق وه174 دهنگ لهپلهی پهنجم و "ئهیاد عهلاوی" سهرۆك لیست ئهلعێراقییه وه75 دهنگ لهپلهی شهشم رزبهندی راپرسییهگه هاتنه.
ئاژانس خهوهری ئهخبارییه دويهكه ئهنجام كوتایی ئهى راپرسییه لهبان ماڵپهڕهگهی بڵاوكردگهسهو و لهشوون ئاشكراكردن ئهنجامهگانیش، ئاماژه وه رۆڵ "مهسعود بارزانی" سهرۆك ههرێم كوردستان و دهسپێشخهرییهگهی كردگه لهبارهی پێكهاوردن حكوومهت عێراق فیدڕاڵ و ئهنجامداين گردهوبوين فراوان سهرۆك لیستهيل سیاسی ئهرا گفتوگوو و یهكلاوهكردن ههر سێ پۆسته سهرۆكایهتییهگهی عێراق.
pna
| < پێشتر | دواتر > |
|---|
