شهفهق/ وهزیر كاروبار خارجیهى توركیا راگهیاندگه ك وڵاتهگهى لهیه زیاتر نیهتویهنێ
له وهراوهر ئهوهگ له سوریا روى ئهیاد جوور تهماشاكهر بووسێد. داوود ئۆغڵۆ زیاتر وتگه: وهتهنیا چهودیرى بهس نیه و ئیسه وهخت ئهوه رهسیه ك پهیامیگ وههێز ئهرا مللهت سوریا كل بكهیم و وهپییان بویشیم ئیوه تهنیا نیین و ئیمه هایم وهلدان وهلى ئاشكرایهو نهكردگه ك هاتهما وهل هاوپهیمانهیلى چ گامیگ له باوهت سوریا ئهڵگرێ.
ئاژانس دهنگوباس رۆیتهرز ئعلان كردگه ك وهزیر كاروبار دهرهكى توركیا داوود ئۆغڵۆ ئى قسهیله له چوارچیوهى سهردانهگهى ئهرا ئهمریكا كردگه ك تایبهته وهو گفتوگووهیله له باوهت وهزع سوریا ك له ناونى ههردو وڵات ئهنجام گرێد.
جى باسه تا ئهیهێد وهزع ئهمنى سوریا وهرهو خراوى چوود و هێزهیل سوپاى ئهو وڵاته دویهكه وه دهبابه و تووپ شار حمس وهتوندى بوردومان كردن و ژمارهى فهرهیگ له هاووڵاتیهیل مهدهنى شارحمس وهتایبهت له گهڕهك بابا عهمرو كوشتنه و زهخمدار كردنه.
| < پێشتر | دواتر > |
|---|
